يراننىڭ يادرولىق نىساندارىنا قاتىستى جاڭا سپۋتنيكتىك فوتوسۋرەتتەر جاريالاندى
استانا. KAZINFORM - جوعارى ساپاداعى بۇل فوتوسۋرەتتەر يسفاحان، فوردو جانە ناتانز قالالارىنداعى ستراتەگيالىق وبەكتىلەردىڭ قازىرگى جاي-كۇيىن كورسەتەدى. بۇل تۋرالى BBC اگەنتتىگى حابارلادى.
اتالعان ءۇش نىسان وتكەن دەمالىس كۇندەرى ا ق ش تاراپىنان B-2 ۇشاقتارى مەن قاناتتى زىمىراندار ارقىلى بومبالانعان. بۇعان دەيىن بۇل ايماقتارعا يزرايلدىڭ اۋە سوققىلارى دا جاسالعان بولاتىن.
ا ق ش پرەزيدەنتى دونالد ترامپ مالىمدەمەسىندە جۇرگىزىلگەن وپەراتسيا ناتيجەسىندە «نىساندار تولىقتاي جويىلدى» دەپ حابارلادى.
- Maxar Technologies كومپانياسى تۇسىرگەن سپۋتنيكتىك سۋرەتتەردە جەرۇستى مەن جەراستى قۇرىلىستارىنىڭ زاقىمدانعانى، سونداي-اق وبەكتىلەرگە كىرەتىن جولدار مەن تۋننەلدەردە ءبۇلىنۋ ىزدەرى بارى انىق كورىنەدى، - دەلىنگەن اگەنتتىكتىڭ ماقالاسىندا.
بۇعان دەيىن، يراننىڭ يادرولىق قۇپيا نىسانى تۋرالى نە بەلگىلى بولعانىن جازعان ەدىك.
