يراننىڭ سىرتقى ىستەر ءمينيسترى ا ق ش-پەن كەلىسسوزگە قاتىستى پىكىر ءبىلدىردى
استانا. KAZINFORM - يران مەن ا ق ش قازىرگى ۋاقىتتا كەلىسسوز جۇرگىزىپ جاتقان جوق، تەك حابارلامالار الماسىپ جاتىر. بۇل تۋرالى يراننىڭ سىرتقى ىستەر ءمينيسترى ابباس اراكچي Al Jazeera ارناسىنا بەرگەن سۇحباتىندا مالىمدەدى.
سۇحباتتا اراكچي يرانداعى كەز كەلگەن تاراپپەن كەلىسسوز جۇرگىزىلىپ جاتىر دەگەن مالىمدەمەلەر جالعان ەكەنىن اتاپ ءوتىپ، بارلىق حابارلاما سىرتقى ىستەر مينيسترلىگى ارقىلى بەرىلەتىنىن نەمەسە قابىلداناتىنىن جانە كۇشتىك قۇرىلىمدار اراسىندا بايلانىس بار ەكەنىن قوستى.
- مەن ۋيتكوفتان (ا ق ش پرەزيدەنتىنىڭ ەلشىسى - رەد.) بۇرىنعىداي تىكەلەي حابارلامالار الىپ وتىرمىن جانە بۇل ءبىزدىڭ كەلىسسوز جۇرگىزىپ جاتقانىمىزدى بىلدىرمەيدى، - دەدى ول.
وسى ارادا مينيستر ا ق ش-پەن تىكەلەي نەمەسە ايماقتاعى دوستارى ارقىلى حابارلامالار الماسقانىن مويىندادى.
ول سونداي-اق ا ق ش-تىڭ 15 تارماقتان تۇراتىن ۇسىنىسىنا قاتىستى پىكىر ءبىلدىردى.
- ءبىز امەريكالىق 15 ۇسىنىسقا ەشبىر جاۋاپ جىبەرگەن جوقپىز، سونداي-اق ەشقانداي ۇسىنىس نەمەسە شارت ۇسىنعان جوقپىز، - دەدى ابباس اراكچي.
