يرانداعى اتىستى توقتاتۋ رەجيمى اياسىندا دوللار 3,84 تەڭگەگە ارزاندادى

الماتى. KAZINFORM - قازاقستان قور بيرجاسىنداعى (KASE) ساۋدا- ساتتىق قورىتىندىسى بويىنشا، 1 دوللاردىڭ تەڭگەگە شاققانداعى باعامى تومەندەدى.

KASE قور نارىعىنداعى كۇندىزگى ساۋدا قورىتىندىسى بويىنشا، دوللار باعامى 3,84 تەڭگەگە ارزاندادى.

ءبىر ا ق ش دوللارىنىڭ ورتاشا باعامى - 519,26 تەڭگە.

Kurs.kz مالىمەتىنشە، قازىرگى ۋاقىتتا الماتىنىڭ اقشا ايىرباستاۋ پۋنكتتەرىندە دوللار 521 تەڭگەدەن ساتىلىپ جاتىر، ساتىپ الۋ باعامى - 519 تەڭگە. ەۋرو ساتىپ الۋ باعامى - 600، ساتۋ قۇنى - 605.

ال استانا قالاسى بويىنشا دوللاردى ساتۋ باعامى — 523 تەڭگە، ساتىپ الۋ قۇنى - 517 تەڭگە. ەۋرو 597 تەڭگەدەن ساتىپ الىنىپ، 604 تەڭگەدەن ساتىلىپ جاتىر.

ءدال قازىرگى ۋاقىتتا اقشا ايىرباستاۋ ورىندارىندا رەسەي ۆاليۋتاسى 6,47 - 6,64 تەڭگە ارالىعىندا ساۋدالانىپ جاتىر.

ۇلتتىق بانكتىڭ 24 -ماۋسىمعا ۇسىنعان رەسمي باعامى — ءبىر دوللارعا 523,46 تەڭگە. رەسەي ءرۋبلىنىڭ ورتاشا سارالانعان قۇنى - 6,69 تەڭگە. ەۋرو - 600,04

بۇعان دەيىن تيمۋر سۇلەيمەنوۆ بازالىق مولشەرلەمە كەز كەلگەن ۋاقىتتا وزگەرۋى مۇمكىن ەكەنىن ايتقان بولاتىن.

قازاقستاندىق ەكونوميستەر تەڭگەنىڭ نىعايۋىنا مۇمكىندىك بار ەكەنىن ايتتى.