يران ءرايسيدىڭ تىكۇشاعى اپاتىنا قاتىستى تەرگەۋدى اياقتادى

استانا. KAZINFORM - يران پرەزيدەنتى يبراحيم رايسي قازا تاپقان تىكۇشاق اپاتىن زەرتتەگەن كوميسسيانىڭ قورىتىندى ەسەبىنە سايكەس، اپاتقا اۋا رايىنىڭ قولايسىزدىعى سەبەپ بولعان، دەپ حابارلايدى BBC.

63 جاستاعى رايسي مەن قاسىندا ەرىپ جۇرگەن رەسمي تۇلعالار مىنگەن تىكۇشاق 19 -مامىردا يراننىڭ سولتۇستىك- باتىسىندا تۇمان باسقان تاۋ باۋرايىنا قۇلاعان. سالدارىنان پرەزيدەنت پەن تاعى جەتى ادام قازا تاپتى.

ەسەپتە اپاتتىڭ «ايماقتاعى قيىن كليماتتىق جاعدايلارعا» بايلانىستى ورىن العانى جانە تىكۇشاقتىڭ تاۋعا سوقتىعىسۋىنا «قالىڭ تۇماننىڭ كەنەتتەن پايدا بولۋى» سەبەپ بولعانى ايتىلعان.

رايسي امەريكادا شىعارىلعان Bell 212 تىكۇشاعىمەن ۇشقان.

ول ازەربايجانمەن شەكارالاس يراننىڭ شىعىس ازەربايجان پروۆينتسياسىنان قايتىپ كەلە جاتقان.