يراكتاعى ۇيلەنۋ توي جۇرتتىڭ جاعاسىن ۇستاتتى

استانا. KAZINFORM - يراكتا 9 جاستاعى قىزبەن العاشقى رەسمي ۇيلەنۋ تويى ءوتتى، - دەپ حابارلايدى Ateo Breaking باسىلىمى.

Фото: Видео кадры
Фото: Видео кадры

الەۋمەتتىك جەلىدە يراكتاعى 9 جاستاعى قىز بەن 35 جاستاعى ەر ادامنىڭ ۇيلەنۋ تويىنىڭ بەينەسى تارادى. دەرەككوزگە سەنسەك، بۇل - يراكتاعى ەرتە نەكەلەسۋگە بەرىلگەن رۇقساتتان كەيىن وتكەن العاشقى توي.

35 جاستاعى ەر ادام ۇيلەنۋ تويىن ەل پارلامەنتى نەكە جاسىن 18 دەن 9 جاسقا تومەندەتۋدى ماقۇلداعاننان كەيىن ۇيىمداستىرعان. بۇل زاڭ 1959-جىلى قابىلدانعان جانە تاياۋ شىعىستاعى ەڭ داۋلى زاڭداردىڭ ءبىرى بولىپ سانالادى.

ەسكە سالساق، بۇعان دەيىن theguardian باسىلىمى 2024-جىلى يراكتا نەكە جاسىن تومەندەتۋ تۋرالى زاڭ ۇسىنىلعانىن جازعان ەدى. زاڭ جوباسىن جاقتاۋشىلار بۇل تاجىريبەنى يسلامدىق داستۇرلەرمەن سايكەستەندىرىپ جانە وسىنى زاڭداستىرۋى كەرەك ەكەنىن ايتادى.

بىلتىر يراكتىڭ باسقارۋ كەڭەسى جەكە ستاتۋس تۋرالى زاڭدى قايتا قاراۋدى ۇسىندى. جاڭا تۇزەتۋلەر 1959-جىلعى زاڭدى، ياعني نەكە جاسىن 18 جاس دەپ بەلگىلەگەن زاڭدى جويۋدى ۇسىنعان بولاتىن.

سوڭعى جاڭالىقتار