ينتەرنەتتە جالعان اقپارات تاراتقاندارعا قانشا ايىپپۇل سالىنادى

استانا. KAZINFORM - مادەنيەت جانە اقپارات ۆيتسە-ءمينيسترى قانات ىسقاقوۆ الەۋمەتتىك جەلىلەردە جانە ونلاين-پلاتفورمالاردا جالعان اقپارات جاريالاپ، تاراتقاندارعا سالىناتىن ايىپپۇل كولەمىن اتادى.

«ونلاين-پلاتفورما قولدانۋشىلارى جالعان اقپارات تاراتقان جاعدايدا اكىمشىلىك جاۋاپقا تارتىلادى. ارينە، اقپاراتتىڭ جالعان ەكەنى دالەلدەنگەن سوڭ. ناقتى ايتساق، جەكە تۇلعالار ءۇشىن 10-20 ايلىق ەسەپتىك كورسەتكىشتەن باستالادى، ال زاڭدى تۇلعالارعا 100 ا ە ك- كە دەيىن ايىپپۇل قاراستىرىلعان. قايتالانعان جاعدايدا تۇتقىندالۋى دا مۇمكىن»، - دەپ ءتۇسىندىردى قانات ىسقاقوۆ Astana Media Week ءىس-شاراسى بارىسىندا ب ا ق وكىلدەرىنىڭ ساۋالىنا جاۋاپ بەرە تۇرىپ.

بۇعان دەيىن ۆيتسە-مينيستر بلوگەرلەردىڭ ب ا ق وكىلى رەتىندە تىركەلىپ، قىزمەت ەتە الاتىندىعىن ايتقان ەدى.

ايتا كەتەيىك، ەلوردادا Astana Media Week اپتالىعى باستالدى.

ءداستۇرلى شارانىڭ بيىلعى تاقىرىبى - «مەديانىڭ اسەرى جانە سيفرلىق ۇندەستىك».