يممۋنيتەتىڭىزدى تۇسىرەتىن 5 ادەت

يممۋنيتەت - كۇردەلى جۇيە، ول اعزانى ۆيرۋستار مەن باكتەريالاردان قورعايدى جانە ەسكى نەمەسە اقاۋلى جاسۋشالاردان ارىلۋعا قاتىسادى. ادام كوپ ورتادا ۆيرۋستار جىلدام تارالادى. ءجيى اۋىرماس ءۇشىن يممۋندى جۇيە قالىپتى جۇمىس ىستەۋى كەرەك. كەيبىر كۇندەلىكتى ادەتتەر دەنساۋلىعىڭىزعا سونىڭ ىشىندە يممۋندى جۇيەڭىزگە جاعىمسىز اسەر ەتۋى مۇمكىن. قانداي ادەتتەر يممۋنيتەتتى تۇسىرەدى؟

سۋدى جەتكىلىكتى مولشەردە ىشپەۋ

كۇنىنە 1,5-2 ل سۋ ءىشۋ كەرەك. ال فيزيكالىق جۇكتەمە جانە بەلسەندى تەر ءبولىنۋ كەزىندە سۋ مولشەرىن كوبەيتۋ كەرەك. سۋدىڭ جەتىسپەۋى سۋسىزدانۋعا، قان قابىلەتىنىڭ ناشارلاۋنىنا، شىرىشتىلاردىڭ قۇرعاپ كەتۋىنە اكەلەدى. ال ولاردىڭ ءبارى اعزانىڭ جۇقپالارعا قارسى تۇرا الماۋىنا اكەلەدى.

بولمە ىشىندەگى اۋانى ىلعالداندىرماۋ

قىستا ۇيلەر مەن كەڭسەلەرگە جىلۋ بەرگەننەن كەيىن اۋا وتە قۇرعاق بولىپ كەتەدى. ول تەرىنىڭ جانە شىرىشتىلاردىڭ قۇرعاۋىنا اكەلەدى، وسىلايشا يممۋنيتەت السىرەيدى. وعان قوسا، قۇرعاق اۋادا جوتەلگەندە جانە تۇشكىرگەندە تارايتىن ۆيرۋستار مەن ميكرواعزالاردىڭ بولىكتەرى ۇزاققا دەيىن ساقتالا الادى.

ۇيلەسىمدى تاماقتانباۋ

ءارتۇرلى تاماقتانباۋ جانە قاتاڭ ديەتالار ساقتاۋ اعزاعا دارۋمەندەر مەن ميكرواعزالاردىڭ جەتىسپەۋىنە اكەلەدى. اسىرەسە، گازدالعان ءتاتتى سۋسىنداردى كوپ ءىشۋ قانداعى قانت دەڭگەيىنىڭ وزگەرۋىنە اكەلىپ، باكتەريالاردىڭ تارالۋىنا قولايلى ورتا جاسايدى.

ۇيقىنىڭ جەتىسپەۋى

ادام ۇيىقتاعان كەزدە بارلىق ورگان مەن جۇيە قالىپقا كەلەدى. ال كۇندە ۇيقىڭىز قانباسا، يممۋنيتەت السىرەپ كەتەدى.

فيزيكالىق جاتتىعۋلار جاساماۋ

يممۋنيتەتتى ساقتاۋدىڭ باستى شارتى - فيزيكالىق بەلسەندىلىك. اسىرەسە، تازا اۋادا جاتتىعۋ جاساۋدىڭ پايداسى زور.