يلون ماسك 14-رەت اكە اتاندى
استانا. KAZINFORM - يلون ماسك قايتادان اكە اتاندى. ونىڭ سەلدون ليكۋرگ اتتى ۇلى جارىق دۇنيە ەسىگىن اشتى. بۇل تۋرالى BILD باسىلىمى حابارلادى.
بالانىڭ اناسى - SpaceX جانە Neuralink كومپانيالارىنىڭ بۇرىنعى قىزمەتكەرى سيوبحان زيليس. ايگىلى ميللياردەر ونىمەن بىرگە ءۇش بالانى تاربيەلەپ وتىر.
زيليس X الەۋمەتتىك جەلىسىندەگى جازباسىندا ءۇشىنشى بالاسىنىڭ اتىن جاريالادى.
جاقىندا ءبىر جاسقا تولعان قىزدىڭ اتى - اركاديا. تاعى ءبىر ۇل تۋرالى جاڭالىق بلوگەر ەشلي سەنت كلەر تاياۋدا ماسكپەن بىرگە R. S. C ەسىمدى ۇلدى دۇنيەگە اكەلگەنىن ايتقاننان كەيىن ەكى اپتادان كەيىن كەلدى. كاسىپكەردىڭ ءوزى مۇنى راستاماعانىمەن، سوت ونى قورعانشىلىق ماسەلەسى بويىنشا سوت وتىرىسىنا قاتىسۋعا مىندەتتەپ قويعان.
ماسك ءتورت ءتۇرلى ايەلدەن كەم دەگەندە 14 بالا سۇيگەن. ونىڭ كانادالىق جازۋشى دجاستين ماسكپەن نەكەدە دۇنيەگە كەلگەن ءبىرىنشى بالاسى ءسابي كەزىندە قايتىس بولدى. كەيىن ەرلى- زايىپتىلار ەگىز جانە ۇشەمدى دۇنيەگە اكەلدى. ميللياردەر ءانشى گريمسپەن تاعى ءۇش بالا تاربيەلەپ وتىر، ولاردىڭ اراسىندا ايگىلى X Æ A- Xii بار.
