يلون ماسك، تيم كۋك جانە ا ق ش-تىڭ ءبىرقاتار توپ-مەنەدجەرى ترامپپەن بىرگە قىتايعا بارادى

بۇل ساپاردا بەيجىڭمەن ءبىرقاتار ىسكەرلىك كەلىسىم مەن كەلىسىمشارت جاسالادى، دەپ حابارلايدى Kazinform اگەنتتىگىنىڭ ۆاشينگتونداعى ءتىلشىسى.

Newsmax باسىلىمىنىڭ حابارلاۋىنشا، Tesla كومپانياسىنىڭ باسشىسى يلون ماسك پەن Apple كومپانياسىنىڭ باسشىسى تيم كۋك ترامپپەن بىرگە جۇرەدى.

Bloomberg News اگەنتتىگىنىڭ اق ءۇي شەنەۋنىگىنە سىلتەمە جاساي وتىرىپ حابارلاۋىنشا، Goldman Sachs كومپانياسىنىڭ باسشىسى دەۆيد سولومون، Blackstone كومپانياسىنىڭ باسشىسى ستيۆەن شۆارتسمان، BlackRock كومپانياسىنىڭ باسشىسى لارري فينك، Citigroup كومپانياسىنىڭ باسشىسى دجەين فرەيزەر جانە Meta Platforms كومپانياسىنىڭ باسشىسى دينا پاۋەلل ماككورميك تە قىتاي ءتوراعاسى شي جيڭپينمەن وتەتىن سامميتتە ترامپ دەلەگاتسياسىنا قوسىلادى.

NYT NewsToday باسىلىمىنىڭ حابارلاۋىنشا، Boeing كومپانياسىنىڭ باس ديرەكتورى كەللي ورتبەرگ، GE Aerospace كومپانياسىنىڭ باس ديرەكتورى لوۋرەنس كالپ، Goldman Sachs كومپانياسىنىڭ باس ديرەكتورى دەۆيد سولومون جانە Mastercard كومپانياسىنىڭ باس ديرەكتورى مايكل ميباح تا سامميتكە قاتىسۋعا شاقىرىلعان.