ىشىندە بالا دا بولعان: تۇزەۋ مەكەمەسىنىڭ قىزمەتكەرى ورتەنىپ جاتقان ۇيدەن 6 ادامدى الىپ شىقتى
تۇزەۋ مەكەمەسىنىڭ قىزمەتكەرى 6 ادامدى قۇتقارىپ قالدى، دەپ حابارلايدى Kazinform.
ءى ءى م باسپا ءسوز قىزمەتىنىڭ مالىمەتىنشە، ول ورتەنىپ جاتقان ۇيدەن 6 ادامدى الىپ شىققان. ولاردىڭ اراسىندا كىشكەنتاي بالا دا بار.
«1-قاڭتار كۇنى شامامەن ساعات 13:21-دە س ق و، بۋلايەۆو اۋىلى، سەليننايا كوشەسى 7-مەكەنجايىندا ورنالاسقان ەكى قاباتتى تۇرعىن ۇيدەن ءورت بولعانى تۋرالى اقپارات كەلىپ ءتۇستى. تەكسەرۋ بارىسىندا پروباتسيا اعا لەيتەنانتى عالىمجان بايبۋسين ءۇي تۇرعىندارىنا كومەك كورسەتىپ، ءتۇتىن باسقان ۇيدەن 6 ادامدى الىپ شىقتى، ونىڭ ىشىندە كىشكەنتاي بالا دا بار. سونىمەن بىرگە وفيتسەر ءورتتى وقشاۋلاۋعا كومەكتەسكەن»، - دەلىنگەن حابارلامادا.
ءورت سالدارىنان پاتەردەگى تەرەزە ساڭىلاۋى زاقىمدالدى. ءورتتىڭ جالپى اۋدانى 12 شارشى مەترگە جەتكەن. الدىن الا سەبەبى - ستوكەرگە جاقىن ورنالاسقان پلاستيكالىق تەرەزەنىڭ تۇتانۋى.
اۆتور
ەلميرا ورالبايەۆا
