ىشكى ىستەر مينيسترلىگى وگەي اكەسى بار وتباسىلاردىڭ جاعدايىن تەكسەرۋ ۇسىنىسىنا جاۋاپ بەردى

 ىشكى ىستەر ءمينيسترىنىڭ ورىنباسارى يگور لەپەحا وگەي اكەسى بار وتباسىلاردى تەكسەرۋ تۋرالى وسىعان دەيىن ايتىلعان ۇسىنىسقا قاتىستى پىكىر ءبىلدىردى، دەپ حابارلايدى قازاقپارات ءتىلشىسى. 

өгей әке
Фото: Фото: Виктор Федюнин/ ҚазАқпарат

«بالانى وگەي اكەسى تاربيەلەپ جاتسا، بۇل جاعداي زاڭ تالاپتارىن بۇزۋ دەرەگى رەتىندە سانالمايدى جانە قانداي دا ءبىر تەكسەرۋگە نەگىز بولا المايدى. اتاپ ايتقاندا، كامەلەتكە تولماعانعا قاتىستى قۇقىعى مەن مۇددەسىنە نۇقسان كەلسە نەمەسە قىلمىستىق ءارى اكىمشىلىك زاڭناما تالاپتارى بۇزىلسا، وندا تەكسەرۋ جاسالادى. بالا وگەي اكەسىنىڭ تاربيەسىندە ءجۇر ەكەن دەپ تەكسەرىس جاساۋدىڭ نەگىزى جوق، سونداي-اق بۇل مۇلدەم دۇرىس ەمەس دەپ سانايمىن»، - دەدى ي. لەپەحا سەناتتىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.

ەسكە سالساق، باس پروكۋراتۋرادا وتكەن ۆەدومستۆوارالىق كەڭەستە وگەي اكەسى بار وتباسىلاردى تەكسەرۋ تۋرالى ۇسىنىس ايتىلدى.

بۇل رەتتە وقۋ-اعارتۋ ۆيتسە-مينيستر ەدىل وسپان ۆەدومستۆوعا مۇنداي وتباسىلاردىڭ جاعدايىن تەكسەرۋ تۋرالى رەسمي ۇسىنىس تۇسپەگەنىن مالىمدەدى.

سوڭعى جاڭالىقتار