ەلباسى: ە ا ە و- عا مۇشە ەلدەر XXI عاسىردىڭ سىن-قاتەرىنە توتەپ بەرۋ ءۇشىن ەكونوميكالىق الەۋەتىن بىرىكتىردى
بۇل تۋرالى جوعارى ەۋرازيالىق ەكونوميكالىق كەڭەس وتىرىسىنىڭ قورىتىندىسى بويىنشا وتكەن باسپا ءسوز ءماسليحاتىندا قازاقستان پرەزيدەنتى نۇرسۇلتان نازاربايەۆ مالىمدەدى.
«ارينە، الەمدىك نارىقتاردىڭ تۇراقسىزدىعى، سانكتسيالاۋ ساياساتى، الەمنىڭ جەتەكشى دەرجاۆالارىنىڭ اراسىنداعى سەنىمنىڭ السىرەۋى، اسكەري-ساياسي جاعدايدىڭ شيەلەنىسۋ قاۋپى - وسىنىڭ بارلىعى ەۋرازيالىق ەكونوميكالىق وداقتىڭ قالىپتاسۋ پروتسەسىنە اسەرىن تيگىزەدى. ءبىز بۇل سىن- قاتەرلەردى ەسكەردىك. سوندىقتان ەاەو- عا مۇشە ەلدەر 21- عاسىردىڭ سىن-قاتەرلەرىنە جاۋاپ بەرۋ ءۇشىن ەكونوميكالىق الەۋەتىن بىرىكتىردى»، - دەدى ن. نازاربايەۆ.
وسىعان بايلانىستى، ول قۇرىلىپ وتىرعان ينتەگراتسيالىق بىرلەستىكتىڭ قاتىسۋشىلارىن «كۇردەلى جۇمىسقا، جاڭا سىن- قاتەرلەرگە دايىن بولۋعا» شاقىردى، دەپ جازادى ت ا س س.
«ءبىزدىڭ ە ا ە و-قا جولىمىز ەكى ونجىلدىق ۋاقىتتى الدى، وسى ۋاقىت ىشىندە ول سوناۋ 1994 - جىلى العا تارتىلعان يدەيادان بۇگىنگى ناقتى تاجىريبەلىك شەشىمدەرگە اينالدى»، - دەپ اتاپ ءوتتى قازاقستان پرەزيدەنتى.
