وزبەكستاندا تانىمال اۆتوكولىك ۇلگىلەرىنىڭ جىلدىق كولەمى ەكى كۇندە ساتىلدى

UzAuto Motors كومپانياسى وزبەكستاننىڭ ىشكى نارىعىنا 2024 -جىلى شىعارۋ جوسپارلانعان Chevrolet Cobalt ،Damas جانە Labo اۆتوكولىكتەرىنىڭ كولەمىنە كەلىسىمشارتتى ەكى كۇندە اياقتادى، دەپ حابارلايدى Kazinform اگەنتتىگىنىڭ ءتىلشىسى.

كومپانيا مالىمەتىنشە، 25 جانە 26-جەلتوقساندا ساتىپ الۋشىلارمەن اۆتوكولىكتەردى كەلەسى جىلى جەتكىزۋگە 171,2 مىڭ كەلىسىمشارت جاسالعان. كەلىسىمدەر UzAutoSavdo قوسىمشاسى جانە savdo.uzavtosanoat.uz سايتى ارقىلى ونلاين رەجيمدە جاسالدى.

ونلاين ساتۋ كەزىندە كيبەرشابۋىلدار كەسىرىنەن تەحنيكالىق اقاۋ تۋىنداپ وتىرعان.

«UzAutoSavdo ونلاين ساۋدا جۇيەسىندە 7 مىڭ كيبەرشابۋىل باقىلاندى. وسى كەزەڭدە جۇيەدە بارلىعى 3 ميلليوننان استام بەلسەندى سەانس تىركەلگەن. كومپانيانىڭ كولل-ورتالىعى 3 مىڭنان استام ءوتىنىمدى قابىلداپ، وڭدەدى» دەپ حابارلادى UzAuto Motors كومپانياسىنان.

بۇعان دەيىن وزبەكستان ۇكىمەتى «الىپساتارلارمەن» كۇرەسۋ جانە بارلىق تۇتىنۋشىلارعا تەڭ مۇمكىندىكتەر جاساۋ ماقساتىندا جاڭا كولىكتەردى ساتۋ ەرەجەلەرىنە وزگەرىستەر ەنگىزدى.

جاڭا ەرەجەلەرگە سايكەس، 12 اي ىشىندە ەكىدەن استام ساتىپ الۋ- ساتۋ شارتىن جاساسقان كليەنتپەن ماشينانى جەتكىزۋگە جاڭا كەلىسىم-شارت جاسالمايدى.