وزبەكستان قىتايدان 38 جۇك جانە جولاۋشى ەلەكتروۆوزى، تەپلوۆوز جانە مانيەۆرلىك لوكوموتيۆتەردى ساتىپ الادى
تاشكەنت. قازاقپارات - تەحنيكالار 2034-جىلعا دەيىن جەتكىزىلەدى. بۇل «وزبەكستان تەمىر جولدارى» ا ق مەن قىتايدىڭ «CRRC Zhuzhou LocomotivE» كومپانياسى اراسىندا جاسالعان كەلىسىم-شارتتا ايقىندالدى.
بۇل تۋرالى وزبەكستان رەسپۋبليكاسى كولىك مينيسترلىگىنىڭ باسپا ءسوز قىزمەتى حابارلادى.
15-تامىزىندا وزبەكستان كولىك ءمينيسترى قىتايدىڭ «CRRC Zhuzhou LocomotivE» كومپانياسىنىڭ پرەزيدەنتى ۆان سياولين باستاعان دەلەگاتسيا وكىلدەرىمەن كەزدەستى.
كەزدەسۋدە وزبەكستانعا جۇك جانە جولاۋشىلار پويىزدارى مەن قوسالقى بولشەكتەرىن ساتىپ الۋ جانە جەتكىزۋ ماسەلەلەرى تالقىلاندى.
تالقىلاۋ سوڭىندا وزبەكستان مەن قىتاي كومپانيالارى اراسىندا لوكوموتيۆ پاركىن جاڭعىرتۋ جانە جاڭارتۋ تۋرالى كەلىسىمگە قول قويىلدى. بۇل كەلىسىم- شارت ش. ميرزيەيەۆتىڭ قىتاي حالىق رەسپۋبليكاسىنا جوعارى دەڭگەيدەگى ساپارى بارىسىندا مەملەكەت باسشىلارى اراسىنداعى كەلىسىمدەرگە سايكەس جاسالعانى اتاپ ءوتىلدى.
كەلىسىمگە سايكەس، قىتايلىق كومپانيا كورشى ەلدىڭ تەمىر جولدارىندا قولدانىلاتىن «وزبەكستان» سەريالى 12 ەلەكتروۆوزىن جاڭعىرتۋ، سونداي-اق 2034-جىلعا دەيىن ءبولىپ تولەۋ شارتىمەن 38 جۇك جانە جولاۋشى ەلەكتروۆوزدارىن، تەپلوۆوز جانە مانيەۆرلىك لوكوموتيۆتەردى جەتكىزىپ بەرەدى.
ايتا كەتەيىك، بۇعان دەيىن وزبەكستان كورەيادان 6 جۇردەك ەلەكتر پويىزىن ساتىپ الاتىنىن حابارلاعان ەدىك.
