وزبەكستان ءارتىسىنىڭ رەسەيدەگى كونسەرتىنەن كەيىن بىرنەشە ادام تۇتقىندالدى
استانا. KAZINFORM - كراسنويارسك ولكەسىندەگى وزبەك ءانشىسىنىڭ كونسەرتى كەزىندە رەيد جۇرگىزىلىپ، ارتىنشا بىرنەشە ادام تۇتقىنعا الىندى، دەپ حابارلايدى وزبەكستاننىڭ نوۆوسىبىردەگى باس كونسۋلدىعى.
وقيعا 22-قىركۇيەك كۇنى كراسنويارسك ولكەسىنىڭ سولونتسى اۋىلىنداعى بانكەت زالىندا بولعان.
رەيد شەتەلدىك ازاماتتاردىڭ رەسەيدىڭ ميگراتسيالىق زاڭناماسىن بۇزۋى، سونداي-اق زاڭسىز ەسىرتكى اينالىمى فاكتىلەرىن انىقتاۋ ماقساتىندا ۇيىمداستىرىلدى.
تەرگەۋ بارىسىندا رەسەي فەدەراتسياسىندا بولۋ ەرەجەلەرىن بۇزعان وزبەكستان رەسپۋبليكاسىنىڭ سەگىز ازاماتى انىقتالدى. ولاردىڭ تورتەۋىنە ايىپپۇل سالىنسا، تاعى ءتورت شەتەلدىك ازامات ەلدەن شىعارىلىپ، كراسنويار ولكەسىندەگى ۋاقىتشا ۇستاۋ يزولياتورىنا قامالدى.
وزبەكستان رەسپۋبليكاسىنىڭ نوۆوسىبىردەگى باس كونسۋلدىعى اتالعان تۇلعالاردىڭ كراسنويارسك ولكەسىندەگى ءتيىستى ۇيىمدارمەن جانە مەكەمەلەرمەن رەسمي تۇردە كەلىسىلمەگەن وزبەك ەسترادا ءارتىسى كونسەرتى ءۇشىن عيماراتتا بولعانىن، بۇل وقيعاعا سەبەپ بولعانىن ءتۇسىندىردى.
سونىمەن قاتار، شارا ارنايى جابدىقتالماعان عيماراتتا ءوتتى.
ديپلوماتيالىق وكىلدىك كراسنويار ولكەسىندە قۇقىق قورعاۋ ورگاندارىنىڭ مۇنداي رەيدتەرىنىڭ زاڭدى نەگىزى بولۋى جانە مادەني ءىس-شارالارعا كەدەرگى بولماۋى كەرەك دەپ ەسەپتەيدى. كونسۋلدىق وكىلدەرى كراسنويار ولكەسىنىڭ قۇقىق قورعاۋ ورگاندارىنا بارلىق قاجەتتى قۇجاتتار دايىندالعانىن مالىمدەدى.
11-قىركۇيەكتەن باستاپ رەسەيدەن زاڭسىز ميگرانتتاردى دەپورتاتسيالاۋ باستالعانى بۇعان دەيىن حابارلانعان بولاتىن.
