وزبەكستان اي-80 بەنزينىنەن تولىق باس تارتۋدى 2028-جىلعا دەيىن شەگەردى
تاشكەنت. KAZINFORM - وزبەكستاندا 2028-جىلدان باستاپ كەزەڭ-كەزەڭىمەن اي-80 ماركالى بەنزيندى پايدالانۋعا تىيىم سالىنادى دەپ جوسپارلانىپ وتىر. بۇعان دەيىن ەلدىڭ 2025-جىلدان باستاپ جانارمايدىڭ بۇل ماركاسىنان باس تارتاتىنى حابارلانعان بولاتىن.
وزبەكستاندا اي-80 بەنزينىن پايدالانۋعا تىيىم سالۋ مەرزىمى كەيىنگە شەگەرىلدى. بۇل شاۆكات ميرزيەيەۆتىڭ 24-قىركۇيەكتەگى شاڭدى داۋىلمەن كۇرەسۋ جانە اۋانىڭ ساپاسىن جاقسارتۋ بويىنشا ءبىرىنشى كەزەكتەگى شارالار تۋرالى شەشىمىندە ناقتىلاندى.
- قاۋلىدا بەكىتىلگەندەي، تاشكەنت قالاسىنىڭ اتموسفەرالىق اۋاسىنىڭ ساپاسىن جاقسارتۋعا باعىتتالعان شۇعىل شارالار باعدارلاماسىنا سايكەس، 2028-جىلدان باستاپ ەكولوگيالىق كاتەگورياسى «ەۋرو-4» ستاندارتىنان تومەن اۆتوكولىك جانارمايىن پايدالانۋ جانە ساتۋ كەزەڭ-كەزەڭىمەن شەكتەلەدى، - دەلىنگەن حاباردا.
ايتا كەتەيىك، ەلىمىزدىڭ وڭتۇستىك وڭىرلەرىندە اي-92، اي-95 بەنزينىن جانە ديزەل وتىنىن تۇتىنۋ ايتارلىقتاي وسكەنى بايقالعان.
وسىعان وراي 10-قاڭتار كۇنى ق ر پرەمەر-ءمينيسترىنىڭ ءبىرىنشى ورىنباسارى رومان سكلياردىڭ توراعالىعىمەن ىشكى نارىقتى مۇناي ونىمدەرىمەن قامتاماسىز ەتۋ ماسەلەسى بويىنشا كەڭەس وتكەن بولاتىن.
بۇعان نەگىزگى سەبەپ بولىپ وتىرعان جاعدايلار - كورشى ەلدەرمەن سالىستىرعاندا، قازاقستانداعى باعا ايىرماشىلىعىنا بايلانىستى مۇناي ونىمدەرىنىڭ سىرتقا كەتۋى جانە «سۇر ەكسپورت».
