21:59, 25 - قاراشا 2024 | GMT +5
پويىز جولاۋشىسى جولسەرىككە پىشاقپەن شابۋىل جاسادى
استانا. KAZINFORM - پويىزدىڭ ماس جولاۋشىسى جولسەرىك ايەلگە پىشاقپەن شابۋىل جاسادى. وقيعا 23-قاراشادا بولعان.
«جولاۋشىلار تاسىمالى» باسپا ءسوز قىزمەتىنىڭ حابارلاۋىنشا، شابۋىل جاساعان ادام ۇستالدى.
«ماس جولاۋشى جولسەرىك ايەلدى قادالعىش زاتپەن قورقىتقان. وقيعا سالدارىنان ول ازداپ جاراقات الدى. جولاۋشىنى پويىز بريگاداسىنىڭ قىزمەتكەرلەرى ۇستاپ، ءتارتىپ ساقشىلارىنا تاپسىردى»، - دەپ حابارلادى باسپا ءسوز قىزمەتى.
زارداپ شەككەن جولسەرىككە جەدەل العاشقى مەديتسينالىق كومەك كورسەتىلىپ، ودان كەيىن جاقىن ماڭداعى ستانسياداعى اۋرۋحاناعا جەتكىزىلدى. ومىرىنە قاۋىپ ءتونىپ تۇرعان جوق.
قازىر ول دەنساۋلىعىنا بايلانىستى دەمالىستا.
