ونىمەن ەشكىم جۇدىرىقتاسقىسى كەلمەيدى: جانىبەكتىڭ قارسىلاسى مالىمدەمە جاسادى

بانكتىڭ ايتۋىنشا، ول شامامەن ءبىر جىل بويى WBO رەيتينگىندە ەكىنشى ورىندا تۇرعان جانە چەمپيوندىق بەلبەۋ ءۇشىن جۇدىرىقتاسۋعا مۇمكىندىك الادى دەپ ۇمىتتەنگەن. الايدا ۇيىمنىڭ كەيبىر شەشىمدەرىنەن كەيىن مۇنداي مۇمكىندىككە دەگەن سەنىمى ازايا باستاعان.

- WBO رەيتينگىندە ءبىر جىلعا جۋىق ۋاقىتتان بەرى ۇمىتكەرلەر اراسىندا ەكىنشى ورىندامىن. مەن دايىن بولدىم. ال حامزا وسى ارالىقتا رەيتينگىنىڭ ءۇشىنشى جانە بەسىنشى نومىرلەرىمەن جۇدىرىقتاستى. سوندىقتان ولاردىڭ وسىنداي ۇستانىممەن ارەكەت ەتىپ جاتقانىن كورىپ، الەم چەمپيونى اتاعى ءۇشىن جەكپە-جەككە شىعا الاتىنىما دەگەن سەنىمىمدى جوعالتا باستادىم. بۇل سپورتتىق قاعيدالارعا مۇلدەم ساي كەلمەدى. ءبىز ءتىپتى WBO- دان تولىقتاي باس تارتىپ، WBC باعىتىنا اۋىسۋعا شەشىم قابىلداعان ەدىك. ءبىراق كەيىن جانىبەكپەن جەكپە-جەك وتكىزۋ مۇمكىندىگى پايدا بولدى. ارينە، مەن بۇل مۇمكىندىكتى پايدالانامىن. مەن الەم چەمپيونى بولعىم كەلەدى جانە وعان اپاراتىن وڭاي جول بار دەپ ويلامايمىن. ونىمەن ەشكىم جۇدىرىقتاسقىسى كەلمەيتىن جانىبەك بولا ما، الدە باسقا بوكسشى ما - الەم چەمپيونى اتانۋ كەز كەلگەن بالانىڭ ەڭ ۇلكەن ارمانى، - دەدى بانك.

دانيالىق بوكسشى الداعى كەزدەسۋدىڭ قانشالىقتى قيىن بولاتىنىن تۇسىنەتىنىن اتاپ ءوتتى. سوعان قاراماستان، ول باستى ماقساتى - الەم چەمپيونى اتانۋ ءۇشىن الىمحان ۇلىمەن رينگكە شىعۋعا دايىن.

جانىبەك ءالىمحان ۇلى مەن ياكوب بانك اراسىنداعى جەكپە-جەك WBO تۇجىرىمى بويىنشا سۋپەر ورتا سالماقتاعى ۆاكانتتى الەم چەمپيونى اتاعى ءۇشىن ءوتۋى ءتيىس. كەزدەسۋدىڭ ناقتى كۇنى مەن وتەتىن ورنى ازىرگە جاريالانعان جوق.

ەكى بوكسشى دا كاسىپقوي رينگتە ءالى جەڭىلىپ كورمەگەن. جانىبەك ءالىمحان ۇلى 17 كەزدەسۋ وتكىزىپ، بارلىعىندا جەڭىسكە جەتكەن، ونىڭ 12 ءسىن نوكاۋتپەن اياقتاعان. ال ياكوب بانك 20 جەكپە-جەكتىڭ بارلىعىندا جەڭىسكە جەتىپ، 11 قارسىلاسىن مەرزىمىنەن بۇرىن توقتاتقان.

ايتا كەتەلىك جانىبەك ءالىمحان ۇلى تيتۋلدىق جەكپە-جەگىنە قاتىستى مالىمدەمە جاساعان ەدى.