وتكەن تاۋلىكتە ەل اۋماعىندا 111 ءورت وقيعاسى تىركەلدى

ق ر توتەنشە جاعدايلار مينيسترلىگى وتكەن اپتانىڭ ەسەبىن جاريالادى، دەپ حابارلايدى Kazinform.

وتكەن تاۋلىكتە ەلىمىزدىڭ تجم كۇشتەرى 221 شاقىرتۋ العان. ونىڭ 111 ى ءورت پەن جانۋ وقيعالارى بولسا، 109 ى ىزدەستىرۋ، اۆاريالىق-قۇتقارۋ جانە باسقا دا شارالار.

بۇل رەتتە 54 ادام، قۇتقارىلىپ، ەۆاكۋاتسيالانعان.

«تجم ازاماتتاردى ءورت قاۋىپسىزدىك شارالارىن ساقتاپ، داۋىل تۋرالى ەسكەرتۋلەردى، اۋا-رايىنىڭ وزگەرۋىن، جولداردىڭ جابىلۋى تۋرالى حابارلامالاردى باقىلاپ، الىس ساپارلارعا شىقپاۋعا شاقىرادى.

اۋىلدىق جەرلەردە تۇراتىن تۇرعىندارعا اۋا رايى ناشارلاعان جاعدايدا الىس قاشىقتىققا جاياۋ جۇرۋدەن باس تارتۋدى ۇسىنامىز»، - دەلىنگەن حابارلامادا.