وتباسىلىق بيۋدجەت: بيىلدان باستاپ سالىق شەگەرىمدەرى كىمدەرگە بەرىلەدى
استانا. قازاقپارات - 2025 -جىلدىڭ 1- قاڭتارىنان باستاپ ەلىمىزدە كوپبالالى وتباسىلار، يپوتەكالىق تولەم جانە وقۋ اقىسى بويىنشا جاڭا سالىق نورماسى قولدانىلا باستاۋى ءتيىس. ول قانداي نورما جانە قالاي جۇزەگە اسادى؟
كوپبالالى وتباسىنا جەكە تابىس سالىعىنان (ج ت س) جىلىنا 282 ا ە ك- كە دەيىن سالىق شەگەرىمى جاسالادى:
اتا- انانىڭ بىرەۋىنە عانا قولدانىلسا - ايىنا 23 ا ە ك- كە دەيىن (90436 تەڭگە)
اتا- انانىڭ ەكەۋىنە دە قولدانىلسا، اربىرىنە - ايىنا 12 ا ە ك- كە دەيىن (47184 تەڭگە) .
بۇل سالىق شەگەرىمى جاسالۋى ءۇشىن 1-قاڭتارداعى جاعداي بويىنشا وتباسىندا 4 جانە ودان دا كوپ بالا بولۋى كەرەك. بۇل ستاتۋس بالالاردىڭ تۋۋ تۋرالى كۋالىگىن جۇمىس بەرۋشى ۇيىمنىڭ بۋحگالتەريا نە كادر بولىمىنە كورسەتۋ ارقىلى ناقتىلانادى.
بۇل جەڭىلدىكتى قاراپايىم تىلمەن بىلاي تۇسىندىرسەك بولادى: جۇمىس ىستەۋشى اتا- انانىڭ ءبىرىنىڭ جالاقىسىنان 90 مىڭ تەڭگە جەكە تابىس سالىعىنان بوساتىلىپ، سونىڭ ارقاسىندا ءار اي سايىن 9 مىڭ تەڭگە ۇنەمدەلەدى.
باسقاشا ايتقاندا، بۇرىن 500 مىڭ تەڭگە جالاقىسىنان %10 ج ت س تولەپ كەلگەن ادام ەندى سول جالاقىسىنىڭ تەك 410 مىڭ تەڭگەسىنىڭ %10 ى مولشەرىندە ج ت س تولەيدى. سايكەسىنشە بۇرىن ج ت س- كە 50 مىڭ تەڭگە ۇستالسا، سالىق شەگەرىمىن قولدانعان ساتتەن باستاپ 41 مىڭ تەڭگە ۇستالادى.
وقۋ اقىسى
سالىق شەگەرىمى مىنا وقۋ تۇرلەرىنىڭ تولەمىنە قولدانىلادى:
مەكتەپكە دەيىنگى تاربيە مەن ءبىلىم بەرۋ؛
تەحنيكالىق جانە كاسىپتىك ءبىلىم بەرۋ؛
ارناۋلى ورتا جانە جوعارى ءبىلىم؛
سالىق شەگەرىمىنىڭ شەكتى سوماسى - ءبىر كۇنتىزبەلىك جىلدا 118 ا ە ك- كە دەيىن. دەمەك، وقۋ اقىسىنان 463,9 مىڭ تەڭگە ج ت س- تەن بوساتىلىپ، اتا- انا 46,3 مىڭ تەڭگە ۇنەمدەپ قالا الادى.
بۇنداي جەڭىلدىكتى 21 جاسقا تولماعان ستۋدەنت بالاسىنىڭ وقۋ اقىسىن تولەۋ كەزىندە اتا- انا دا، ءبىلىم الۋشىنىڭ ءوزى دە پايدالانا الادى.
ونى الۋ ءۇشىن ءبىلىم بەرۋ قىزمەتىن كورسەتەتىن ۇيىممەن جاسالعان كەلىسىم مەن تولەمدى راستايتىن قۇجاتتاردى كورسەتۋ كەرەك.
يپوتەكا سىياقىسى
2024 - جىلدىڭ سوڭىنا دەيىن يپوتەكالىق قارىز سىياقىسى بويىنشا سالىق شەگەرىمى «وتباسى بانك» كليەنتتەرىنە عانا جاسالىپ كەلدى. 2025 -جىلدان باستاپ مۇنداي جەڭىلدىك كەز كەلگەن ەكىنشى دەڭگەيلى بانكتەردەن الىنعان يپوتەكالارعا دا قولدانىلادى.
سالىقتىق شەگەرىمدى جاساتۋ ءۇشىن بۋحگالتەريا نە كادر بولىمىنە ءوتىنىش جازىپ، مىنا قۇجاتتاردى كورسەتۋ كەرەك:
يپوتەكالىق تۇرعىن ءۇي زايمى تۋرالى كەلىسىم؛
يپوتەكالىق تۇرعىن ءۇي زايمىن وتەۋ كەستەسى؛
تولەم جاسالعانىن دالەلدەيتىن قۇجاتتار.
زاڭعا ساي ما؟
2025 -جىلدىڭ 1- قاڭتارىنان باستاپ سالىق كودەكسىنىڭ 8- ءبولىمى 2017 - جىلعى 25 - جەلتوقسانداعى № 120-ⅵ ق ر زاڭى نەگىزىندە جۇمىس ىستەيدى.
بۇعان دەيىن وسى كودەكستىڭ 8- ءبولىمى 2025 -جىلدىڭ 1 - قاڭتارىنا دەيىن توقتاتىلعان.
مەملەكەتتىك ورگاندار الدەنەشە رەت وسى تىيىم 2026 -جىلدىڭ 1 - قاڭتارىنا دەيىن سوزىلادى دەپ مالىمەت بەرگەنىنە قاراماستان، ءالى كۇنگە ونداي نورما جاريالانعان جوق.
وسى ماسەلە بويىنشا ۇلتتىق ەكونوميكا مينيسترلىگىنە حابارلاسىپ كوردىك، ءبىراق ازىرگە جاۋاپ الا المادىق.
جاڭا سالىق كودەكسى 2026 -جىلدىڭ 1 - قاڭتارىنان باستاپ ىسكە قوسىلۋى مۇمكىن. بۇل تۋرالى ءماجىلىس دەپۋتاتى بەرىك بەيسەنعاليەۆ Kazinform تىلشىسىنە بەرگەن جاۋابىنا ايتتى.
ەربول جانات
