وسكەمەندەگى وقىس وقيعا: اپاتتاردىڭ الدىن الۋ شارالارى ازىرلەنەدى

شىعىس قازاقستان وبلىسى اكىمىنىڭ ورىنباسارى ب. ق. باياحمەتوۆتىڭ جانە ونەركاسىپتىك قاۋىپسىزدىك كوميتەتىنىڭ ءتوراعاسى ر. ك. دۋبايەۆتىڭ ءتوراعالىق ەتۋىمەن «كازتسينك» ج ش س م ك و ك ك م- دە (وسكەمەن مەتاللۋرگيا كەشەنى) 2026-جىلعى 5-مامىردا بولعان اپاتتى تەرگەۋ بويىنشا جۇمىس كەڭەسى ءوتتى.

جيىن بارىسىندا كوميسسيا مەن مەملەكەتتىك ورگاندار جۇمىسىنىڭ باسىم باعىتتارى ايقىندالىپ، كومپانيا باسشىلىعىنا نىسانداعى قاۋىپسىزدىكتى قامتاماسىز ەتۋ جونىندە ناقتى تاپسىرمالار بەرىلدى.

- كەزدەسۋ قورىتىندىسى بويىنشا قاتىسۋشىلارعا وقيعانىڭ ناقتى سەبەپتەرىن انىقتاۋ ءۇشىن قوسىمشا ساراپتامالار جۇرگىزۋ جانە وسىعان ۇقساس اپاتتاردىڭ الدىن الۋ شارالارىن ازىرلەۋ بويىنشا مىندەتتەر جۇكتەلدى، - دەلىنگەن حابارلامادا.

ەسكە سالساق، 5-مامىردا وسكەمەندەگى كاسىپورىنداردىڭ بىرىندە جارىلىس بولدى.

«كازتسينك» كاسىپورنىنداعى جارىلىستان 9 ادام زارداپ شەكتى، ولاردىڭ ۇشەۋى اۋىر جاعدايدا ەكەنى ايتىلدى.

ولجاس بەكتەنوۆ وسكەمەندەگى جارىلىستى جەكە باقىلاۋىنا العانى انىقتالدى.

وكىنىشكە قاراي، زارداپ شەككەندەردىڭ ەكەۋى جارىلىستان قازا بولعانى حابارلاندى.

كاسىپورنىنداعى جارىلىس كەزىندە سەح وپىرىلىپ، قاۋىپتى ايماقتا 32 ادام بولعان.