وسكەمەندە قارتتار ۇيىندە تانىسقان ەكى زەينەتكەردىڭ نەكەسى قيىلدى

وسكەمەن. KAZINFORM - وسكەمەن قالاسىندا وتباسى كۇنى قارساڭىندا قارتتار ۇيىندە ەكى زەينەتكەردىڭ نەكەسى قيىلدى.

ليۋدميلا نيكولايەۆنانىڭ جاسى 71 دە. ول قارتتار ۇيىندە جولداسىن كەزىكتىرەتىندىگىن ەش سەزبەگەن.

«قارتتار ۇيىنە تۇسكەنىمە ءبىراز جىل بولدى. مىنە، ءوزىمنىڭ جان جارىمدى تاپتىم. قازىر ءتىپتى كەيدە اياعىمنىڭ اۋىراتىندىعىن ۇمىتىپ كەتەمىن. 64 جاستاعى كۇيەۋىم مەنى سىيلايدى، جاقسى كورەدى. وسىلاي ناعىز وتباسىلىق باقىتقا يە بولىپ وتىرمىز»، - دەيدى زەينەتكەر.

ەكەۋى 2 اي بويى سويلەسىپ جۇرگەن. قالىبەك كاتەيەۆ ۇيلەنۋگە ۇسىنىس جاساپ، ليۋدميلا نيكولايەۆنا ءوز كەلىسىمىن بەرگەن.

«نەكەمىزدى تىركەدىك. ەندى قارتتار ۇيىندە بىرگە تۇرامىز. ءتىپتى بىزگە بولەك بولمە بەرىلدى. ا ح ا ت قىزمەتكەرلەرىنە وسىندا كەلىپ، نەكەمىزدى تىركەگەنى ءۇشىن كوپ راحمەت!»، - دەيدى ەرلى-زايىپتىلار.

ش ق و ا ح ا ت باسقارماسىنىڭ باسشىسى ءاليا قىرىقپايەۆانىڭ ايتۋىنشا، وتباسى كۇنىندە شاڭىراق كوتەرگىسى كەلەتىن شىعىس قازاقستاندىقتار كوپ.