وسكەمەندە موتوسيكل تىزگىندەگەن ادامدى قاعىپ ولتىرگەن كولىك جۇرگىزۋشىسى 2 جىلعا سوتتالدى
وسكەمەن. KAZINFORM - وسكەمەن قالاسىندا موتوسيكل تىزگىندەگەن ادامدى قاعىپ ولتىرگەن كولىك جۇرگىزۋشىسى 2 جىلعا باس بوستاندىعىنان ايىرىلدى.
جول-كولىك وقيعاسى مەنوۆنوە كەنتىندە بولعان. Toyota Land Cruiser اۆتوكولىگىن تىزگىندەگەن 60 جاستاعى ازامات سولعا بۇرىلعان كەزدە نەگىزگى جولدا كەلە جاتقان موتوسيكلدى وتكىزبەي قويعان.
سونىڭ سالدارىنان جول تالعامايتىن كولىك پەن موتوسيكل سوقتىعىستى. اۋىر جاراقات العان 31 جاستاعى ازامات شۇعىل تۇردە اۋرۋحاناعا جەتكىزىلگەن. الايدا دارىگەرلەر ونى امان ساقتاپ قالا المادى. ەر ادام ەسىن جيماستان وبلىستىق مامانداندىرىلعان مەديتسينالىق ورتالىقتا كوز جۇمدى.
وسىعان بايلانىستى سوت ءىسى وسكەمەن قالالىق №2 سوتىندا قارالدى.
«سوت شەشىمىمەن ايىپتالۋشى كىنالى دەپ تانىلىپ، ەكى جىلعا باس بوستاندىعىنان شەكتەلدى. سونداي- اق ول ءبىر جىلعا كولىك جۇرگىزۋ قۇقىعىنان ايىرىلدى. ۇكىم ءالى زاڭدى كۇشىنە ەنگەن جوق»، - دەپ حابارلادى سوتتىڭ باسپا ءسوز قىزمەتىنەن.
