وسكەمەن تۇرعىنى 115 ميلليون تەڭگەگە جۋىق الاياقتىق جاسادى دەگەن كۇدىككە ءىلىندى
وسكەمەن. KAZINFORM – ش ق و تۇرعىنى 115 ميلليون تەڭگەگە جۋىق الاياقتىق جاسادى دەگەن كۇدىككە ءىلىندى. بۇل تۋرالى Polisia.kz. حابارلادى.
شىعىس قازاقستان پوليتسەيلەرىنە الاياقتىق تۋرالى وتىنىشپەن وبلىس ورتالىعىنىڭ تۇرعىنى جۇگىنگەن. جابىرلەنۋشىگە 2020 -جىلى تانىسى «كاسىبىم ءۇشىن قاجەت» دەگەن سىلتاۋمەن ونى ۇلكەن سوماعا الداعانىن حابارلاعان. ەر ادام ءارتۇرلى بيزنەس تۇرلەرىمەن اينالىسقىسى كەلەتىنىن ياعني، قايتا ساتۋ ءۇشىن اۆتوموبيلدەر ساتىپ الۋ، مەتالل ءوندىرۋ ءۇشىن ەكسكاۆاتور ساتىپ الۋ، ازىق- تۇلىك جەتكىزەتىن فيرمانى، ونى پايدالانۋ ءۇشىن قىمبات شەتەلدىك ماشينانى ساتىپ الاتىنىن ايتىپ، شەبەر ايلا- شارعى جاساپ، جاڭىلىستىرىپ، جابىرلەنۋشىدەن اقشا العانى بەلگىلى بولدى.
سونىمەن قاتار ول وعان ايگىلى برەندتەردىڭ كوشىرمەلەرىن ساتۋعا كومەكتەسۋگە ۋادە بەرگەن، ءبىراق ولاردى يەمدەنىپ الىپ، قايتارماعان. قازىرگى ۋاقىتتا زالالدىڭ جالپى سوماسى 114 ميلليون تەڭگەدەن اسادى. پوليتسەيلەر الاياقتىق فاكتىسى بويىنشا قىلمىستىق ءىس قوزعادى.
كۇدىكتى انىقتالدى، ول بۇرىن سوتتالعان جانە قازىر وسىعان ۇقساس قىلمىس جاساعانى ءۇشىن قىلمىستىق جازاسىن وتەپ جاتقان 39 جاستاعى وسكەمەن قالاسىنىڭ تۇرعىنى بولىپ شىقتى. قازىرگى ۋاقىتتا پوليتسيا قىزمەتكەرلەرى تەرگەۋ شارالارىن جالعاستىرىپ جاتىر.
