ورمان ءورتى: افينى ماڭىنداعى ەلدى مەكەندەر كوشىرىلدى

استانا. KAZINFORM - گرەكيادا ورمان ورتتەرىمەن كۇرەس ءجۇرىپ جاتىر. ءورتتى سوندىرۋگە 250 ءورت ءسوندىرۋشى، 12 ۇشاق پەن 7 تىكۇشاق جۇمىلدىرىلعان، دەپ جازادى Euronews.

گرەكيادا اپتاپ ىستىقتان ورمان ءورتى ءورشىپ تۇر. افينىدان سولتۇستىك- شىعىسقا قاراي 30 شاقىرىم جەردە بىرنەشە ەلدىمەكەننىڭ تۇرعىندارىن ەۆاكۋاتسيالاۋعا تۋرا كەلدى. ءورتتى سوندىرۋگە 250 ءورت ءسوندىرۋشى جۇمىلدىرىلدى. ولارعا ونداعان ەرىكتىلەر توبى قوسىلدى.

كەيبىر جەرلەردە جالىننىڭ بيىكتىگى 25 مەترگە دەيىن جەتكەنى حابارلاندى. ءورتتى سوندىرۋگە 12 ۇشاق پەن 7 تىكۇشاق جۇمىلدىرىلعان.

وسى جازدا گرەكيادا 2 مىڭنان استام ورمان ءورتى بولدى، ونىڭ ىشىندە قاساقانا ورتەۋ سەبەپتەرى دە بار.

كليماتتىق داعدارىستى رەتتەۋ جانە ازاماتتىق قورعاۋ مينيسترلىگى ءورت ءقاۋپىنىڭ جوعارى دەڭگەيى 15 تامىزعا دەيىن ساقتالاتىنىن ەسكەرتەدى.

تەگتەر:
گرەكيا
الەم
دالا ءورتى
ەركەجان سماعۇلوۆا
اۆتور
ەركەجان سماعۇلوۆا