وقۋشى قىزدار مۇعالىمدى سوققىعا جىقتى

الەۋمەتتىك جەلىلەردە وقۋشى قىزداردىڭ مۇعالىمدى سوققىعا جىعىپ، شاشىنان جۇلىپ جاتقان ۆيدەوسى تارادى، دەپ حابارلايدى El.kz اقپارات اگەنتتىگى.

بەلگىلى بولعانداي كەلەڭسىز جاعداي 7-قازان كۇنى سىرداريا اۋدانىنىڭ №2-مەكتەبىندە بولعان. بەينەجازبادا ەكى وقۋشىنىڭ مۇعالىمگە شابۋىل جاساپ، شاشىنان تارتىپ جاتقانىن كورۋگە بولادى. وقيعا ورنىندا بولعان مەكتەپ قىزمەتكەرلەرى ولاردى اجىراتۋعا تىرىستى.

جانجال سەبەبى ءالى بەلگىسىز. سىرداريا اۋداندىق مەكتەپكە دەيىنگى جانە مەكتەپكە دەيىنگى ءبىلىم بەرۋ ءبولىمى (ب م ب ك) جاعدايدى باقىلاۋعا الىپ، تەكسەرۋ جۇمىستارىن جۇرگىزىپ جاتىر.

وقيعاعا قاتىسى بار وقۋشىلاردىڭ اتا-انالارىنىڭ قاتىسۋىمەن ءبىلىم مەكەمەسىندە شۇعىل جينالىس ۇيىمداستىرىلدى. باسقارما بۇل جاعدايعا قاتىستى پىكىر بىلدىرۋگە ۋادە بەردى.