World Boxing: قازاقستاندىق ءۇش بوكسشى فينالعا شىقتى

استانا. KAZINFORM - برازيليادا ءوتىپ جاتقان World Boxing اياسىندا الەم كۋبوگىنىڭ ءبىرىنشى كەزەڭىندە ەل قۇراماسىنان ءۇش بوكسشى فينالعا شىقتى.

бокс
Фото: Бокс федерациясы

جارتىلاي فينالدا نۇرسۇلتان التىنبەك (55 كەلى) ءۇندىستاندىق مانيش راتۋريمەن قولعاپ ءتۇيىستىردى. جەكپە-جەك بارىسىندا قازاقستاندىق بىلعارى قولعاپ شەبەرى سەنىمدى ويىن كورسەتتى. ناتيجەسىندە قارسىلاسىن 5:0 ەسەبىمەن تىزە بۇكتىردى.

تاعى ءبىر جەكپە-جەكتە داۋلەت تولەمىسوۆ (85 كەلى) فرانسيالىق ابدۋللا تراوريمەن شەبەرلىك بايقاستى. كەزدەسۋ بارىسىندا ول قارسىلاسىنان جوعارى دەڭگەيدەگى قيمىلىمەن كوزگە ءتۇستى. ەكىنشى راۋندتا قارسىلاسىن نوكاۋتقا جىبەردى. جەڭىس قازاقستاندىق بوكسشىعا بۇيىردى.

فينالعا بەرىلگەن تاعى ءبىر جولداماعا جازيرا وراقبايەۆا (51 كەلى) يە بولدى. جارتىلاي فينالدا ول ناتاليا كۋزيەۆسكانى جەڭدى. ەسەپ - 3:2.

ال ۇلجان سارسەنبەك (57 كەلى) پولشالىق يۋليا شەرەمەتا، دياس مولجىگىتوۆ (75 كەلى) وزبەكستاندىق جاۆوحير ۋمماتالييەۆكە ەسە جىبەردى.

سونداي- اق 3 ساۋىردە دانيال ساپارباي (90 كەلىدەن جوعارى) قولا جۇلدەگەر اتاندى. ول جارتىلاي فينالدا وزبەكستاندىق جاحونگير زوكيروۆقا 0:5 ەسەبىمەن جول بەردى.

قازىرگە دەيىن ەل قۇراماسىنان نۇرزات وڭعاروۆ (50 كەلى)، تالعات سىرىمبەتوۆ (60 كەلى)، انيتا ادىشيەۆا (54 كەلى)، المات ءابدۋالي (65 كەلى)، دارحان دۇيسەباي (70 كەلى) جارىس جولىنان شىعىپ قالدى.

World Boxing ءتۋرنيرى ءۇش كەزەڭنەن تۇرادى. ەكىنشى كەزەڭ 30-ماۋسىم - 7-شىلدە ارالىعىندا قازاقستاندا بولادى. ال ءۇشىنشى كەزەڭ 21-27-شىلدە ارالىعىندا وتەدى. ءبىراق ونىڭ وتەتىن ورنى ازىرگە بەلگىسىز.

سوڭعى جاڭالىقتار