ونلاين ماحابباتتىڭ سوڭى جارالى جۇرەك پەن بوس ءاميانعا اكەلىپ سوعادى
استانا. KAZINFORM - ءى ءى م الەۋمەتتىك جەلىدەگى الاياقتار تۋرالى ەسكەرتتى، - دەپ جازدى Polisia.kz.
جەلى قولدانۋشىلارىنىڭ كەيبىرى وزدەرىن ماحاببات ىزدەپ جۇرگەن شەتەلدىكتەر رەتىندە كورسەتەتىن الاياقتاردىڭ قۇرىعىنا ءتۇسىپ قالىپ جاتىر. مۇنداي الدامشى ونلاين ماحابباتتىڭ سوڭى تەك جارالى جۇرەك پەن بوس ءاميانعا اكەپ سوعادى. ادەمى تانىستىق، رومانتيكاعا تولى سوزدەر، كەزدەسۋ تۋرالى ۋادە، ءتىپتى ۇيلەنۋ جايلى ارمان-ماقساتتار...
ءبىراق كەيىن اڭگىمە بارىسىندا قيىندىقتاردىڭ تۋىنداعانى تۋرالى ايتىلادى. ءتۇرلى سىلتاۋمەن اقشالاي كومەك الۋعا ۇمتىلادى. وسىنداي سحەماعا الدانعان استانا قالاسىنىڭ تۇرعىنى وزىمەن ينتەرنەت ارقىلى سويلەسكەن ادامعا سەنىپ، توعىز ميلليون تەڭگەسىنەن ايىرىلعان.
ينتەرنەتتەگى الاياقتىقتىڭ نەگىزگى بەلگىلەرى: عاشىقتىق سەزىمىن تەز ءبىلدىرۋ، بەينەقوڭىراۋدان نەمەسە جەكە كەزدەسۋدەن باس تارتۋ، ايانىش سەزىمىن تۋدىرىپ، قيىن ومىرلىك جاعدايلار تۋرالى بايانداۋ، اقشا، قۇجاتتار نەمەسە باعالى زاتتاردى جىبەرۋدى سۇراۋ.
ءى ءى م ازاماتتارعا بەيتانىس ادامدارعا سەنە بەرمەۋگە، كۇماندى شوتتارعا اقشا اۋدارماۋعا، ءاردايىم اقپاراتتى مۇقيات تەكسەرۋگە كەڭەس بەرەدى.
- كۇدىك تۋىنداعان جاعدايدا بىردەن 102 نومىرىنە حابارلاسىڭىز، - دەدى ۆەدومستۆودان.
