ون مىڭنان استام تالاپكەر گرانت كونكۋرسىنا قاتىسۋ ءۇشىن قۇجات تاپسىردى

استانا. KAZINFORM - بۇگىن ەلىمىز بويىنشا ءبىلىم بەرۋ گرانتتارىن تاعايىنداۋ كونكۋرسىنا قاتىسۋ ءۇشىن وتىنىشتەر قابىلداۋ كامپانياسى باستالدى، ول 24-شىلدەگە دەيىن جۇرگىزىلەدى.

«قازىرگى تاڭدا (ساع. 17.00) 10 مىڭنان استام تالاپكەر گرانت كونكۋرسىنا قاتىسۋعا نيەت ءبىلدىرىپ، وتىنىشتەرىن جىبەردى. ەڭ كوپ ءوتىنىش „پەداگوگيكالىق عىلىمدار“ جانە „ينجەنەرلىك، وڭدەۋ جانە قۇرىلىس سالالارى“ باعىتتارىنا بەرىلدى»، — دەپ جازدى عىلىم جانە جوعارى ءبىلىم مينيسترلىگىنەن.

ەستەرىڭىزگە سالا كەتسەك، بيىل قۇجاتتاردى قابىلداۋ eGov ارقىلى ونلاين فورماتتا نەمەسە جوو- لاردىڭ قابىلداۋ كوميسسيالارى ارقىلى وفلاين فورماتتا جۇزەگە اسىرىلادى. قۇجاتتاردى كەز كەلگەن ج و و (ورنالاسقان جەرى بويىنشا) ارقىلى تاپسىرۋعا بولادى.

اتاپ وتسەك، وتاندىق ج و و- لارعا وقۋعا ءتۇسۋ ءۇشىن تالاپكەرلەر جەكە كۋالىك، ۇ ب ت سەرتيفيكاتىن؛ 3×4 كولەمىندەگى فوتو، ورتا ءبىلىم تۋرالى اتتەستات (تەحنيكالىق جانە كاسىپتىك ءبىلىم بەرۋ (ت ج ك ب) ۇيىمدارىنىڭ تۇلەكتەرى ءۇشىن ديپلوم)، سونداي-اق، جەڭىلدەتىلگەن سانات بويىنشا كونكۋرسقا قاتىسۋ ءۇشىن راستايتىن قۇجاتتار ۇسىنادى.