ون شاقتى ايەلگە كۇدىك بار. بەلگيالىق ايەل اسىراپ العان قازاقتىڭ بالاسىنا قاتىستى قىلمىستىق ءىس قوزعالدى

الەۋمەتتىك جەلىدە بەلگيالىق وتباسى اسىراپ العان 21 جاستاعى ەددي جان قازاقستانداعى تۋعان اتا-اناسىن ىزدەيتىنى تۋرالى اقپارات تاراعان ەدى. وعان دۇنيەگە كەلگەندە جانىبەك دەگەن ەسىم دە بەرىلگەن ەكەن. جانىبەكتىڭ قازاقستانداعى زاڭدى وكىلى، جۋرناليست قىمبات دوسجان ارقالىققا بارعان ساپارىنداعى جاڭالىقتارىن ءبولىستى.

ول بۇل تۋرالى الەۋمەتتىك جەلىدەگى پاراقشاسىندا جاريالادى.

«ارقالىقتان استاناعا جولعا شىقتىق. وسى ساپاردىڭ باستى ماقساتى - قىلمىستىق ءىس قوزعالدى. ون شاقتى ايەلگە كۇدىك ءتۇسىپ تۇر. جانىبەكتىڭ قازاقستانداعى زاڭدى وكىلى رەتىندە قىلمىستىق ءىس زەرتتەپ اياقتالمايىنشا بارلىق مالىمەتتەردى جاريالاۋعا قۇقىم جوق. وسى ورايدا كومەك قولىن سوزعان ارقالىق قالاسىنىڭ اكىمى ءامىرحان بىركەن ۇلىنا، قالالىق پوليتسيا باسقارماسىنىڭ باسشىسى ورال تۋمىرزا ۇلىنا، باسقا دا پوليتسيا قىزمەتكەرلەرىنە، ارىپتەسىمىز باعدات مۇحتار ۇلىنا العىسىمىزدى بىلدىرەمىز»، - دەدى ول.

 

دەرەككوز

egemen.kz