پوليتسەيلەر جاس قىزدى ولىمنەن قۇتقاردى
الماتى. KAZINFORM - الماتى وبلىسىندا پوليتسەيلەر جاس قىزدىڭ ءومىرىن ساقتاپ قالدى.

ءى ءى م باسپا ءسوز قىزمەتىنىڭ حابارلاۋىنشا، 16-قاڭتاردا جامبىل اۋداندىق پوليتسيا ءبولىمىنىڭ «102» پۋلتىنە حابارلاما تۇسكەن. قىزدىڭ ايتۋىنشا، قارعالى اۋىلىندا تۇراتىن قۇربىسى ومىرمەن ەسەپ ايىرىسۋعا نيەتتى.
اتالعان مەكەنجاي بويىنشا شاقىرتۋعا پاترۋلدىك پوليتسيا جاساعى كەزەكشىلىكتەگى ەرنار قۇتتىبايەۆ پەن نۇربول كارتانبايەۆ باردى. وقيعا ورنىنا كەلگەن پوليتسەيلەر ءۇيدىڭ ەسىگى قۇلىپتاۋلى ەكەنىن انىقتادى.
كوپ ويلانباي، ولار تەرەزەنى سىندىرىپ، ىشكە كىرۋگە شەشىم قابىلدادى. بولمەلەردىڭ بىرىندە ءتارتىپ ساقشىلارى تامىرلارىن كەسكەن جاس قىزدى تاپتى.
پوليتسەيلەر جابىرلەنۋشىنى دەرەۋ تۇردە اۋىر جاعدايدا اۋىلدىق اۋرۋحاناعا جەتكىزدى. باقىتىنا وراي، دارىگەرلەر ونىڭ جاعدايىن تۇراقتاندىرا الدى، قازىر ول جالپى بولىمگە اۋىستىرىلدى.
الماتى وبلىسىندا مۇعالىم مەن ونىڭ اكەسى سوققىعا جىعىلعان وقيعا تۋرالى جازعان بولاتىنبىز.