20:53, 27 - جەلتوقسان 2023 | GMT +5
پوليتسيا دينا تاڭسارىگە ىزدەۋ جاريالادى
ىشكى ىستەر مينيسترلىگى قۇقىق قورعاۋشى، «ءۇنسىز قالما» قورىنىڭ باسشىسى دينا تاڭسارىگە ىزدەۋ جاريالادى، دەپ حابارلايدى Kazinform.
ىزدەۋ تۋرالى اقپارات قۇقىقتىق ستاتيستيكا جانە ارنايى ەسەپكە الۋ پورتالىندا جاريالاندى.
وندا دينارا بوتا قىزى سمايىلوۆاعا (قۇقىق قورعاۋشىنىڭ شىن اتى) 27-جەلتوقساننان باستاپ ىزدەۋ جاريالاناتىنى ايتىلادى.
ءىس شىعىس قازاقستان وبلىسىندا تىركەلگەن.
كۇدىكتىنى ىزدەۋمەن وسكەمەن قالالىق پوليتسيا باسقارماسى اينالىسىپ جاتىر.
بۇعان دەيىن ب ا ق- تا دينا تاڭسارىگە قاتىستى الاياقتىق دەرەگى بويىنشا قىلمىستىق ءىس قوزعالعانى حابارلانعان ەدى.
