پوليتسيا ازاماتتاردىڭ اتىنا زاڭسىز نەسيە راسىمدەگەن قىلمىستىق توپ مۇشەلەرىن ۇستادى

كوكشەتاۋ. KAZINFORM - پوليتسيا ازاماتتاردىڭ اتىنا الاياقتىقپەن نەسيە راسىمدەگەن قىلمىستىق توپتىڭ قاتىسۋشىلارىن ۇستادى، دەپ حابارلايدى Polisia.kz.

26 - قاراشادا اقمولا وبلىستىق پ د ءوڭىر پروكۋراتۋراسىنىڭ باستاماسىمەن جەدەل- ىزدەستىرۋ ءىس- شارالارىنىڭ ناتيجەسىندە اقمولالىق ازاماتتاردىڭ اتىنا ەكىنشى دەڭگەيدەگى بانكتەردەن نەسيە رەسىمدەۋمەن اينالىسقان ۇيىمداسقان قىلمىستىق توپتى اشكەرەلەدى.

ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى ۇستاۋ شاراسىن كوكشەتاۋ جانە الماتى قالالارىندا وتكىزدى. بارلىعى جەدەل قىزمەتكەرلەر قىلمىستىق توپتىڭ 5 مۇشەسىن ۇستادى جانە ۋاقىتشا ۇستاۋ يزولياتورىنا قامادى.

جەدەل ۋاكىلدەردىڭ ايتۋىنشا، بىرنەشە اي بويى ءتورت اقمولالىق پەن وڭتۇستىك استانانىڭ تۇرعىنى نەگىزىنەن اۋىلدىق جەرلەردەن ادامداردى تاۋىپ، الداۋ جولىمەن ولاردىڭ اتىنا ءىرى كولەمدە نەسيە راسىمدەگەن. سەنىمگە قيانات جاساۋدان باسقا، جابىرلەنۋشىلەردى الماتى قالاسىنا اكەتىپ، جىلدام تابىس تابۋعا ۋادە بەرگەن.

بۇگىنگى تاڭدا توپتىڭ قىلمىستىق ارەكەتىنەن زارداپ شەككەن 7 ادام بەلگىلى بولدى.

پوليتسەيلەردىڭ ايتۋىنشا، قۇربانداردىڭ ناقتى سانى ءالى دە انىقتالىپ جاتىر. قۇقىق قورعاۋ ورگاندارىنىڭ قىزمەتكەرلەرى ءتىنتۋ ءىس- شارالارى كەزىندە قولما- قول اقشانى، تراۆماتيكالىق جانە سۋىق قارۋدى، سونداي- اق تەلەفونداردى، فلەش- كارتالاردى جانە بانكتىك كەلىسىمدەردى تاۋىپ، تاركىلەدى.

ۇيىمداسقان قىلمىستىق توپتىڭ قۇرامىندا جاسالعان الاياقتىق فاكتىسى بويىنشا سوتقا دەيىنگى تەرگەپ- تەكسەرۋ جۇرگىزىلىپ جاتىر.

بارلىق بەس قاتىسۋشى ۇستالىپ، ۋاقىتشا ۇستاۋ يزولياتورىنا قامالدى. تەرگەپ- تەكسەرۋ اياسىندا پوليتسيا قىزمەتكەرلەرى جابىرلەنۋشى ازاماتتاردىڭ سانىن جانە زالالدىڭ جالپى سوماسىن انىقتاپ جاتىر.