وليمپياداعا جولداما سانى بويىنشا قاي ءوڭىر كوش باستاپ كەلەدى

Жиын
Фото: Туризм және спорт министрлігі

استانا. KAZINFORM - بۇگىن استانا قالاسىندا تۋريزم جانە سپورت مينيسترلىگى مەن وليمپياداعا دايىندىق شتابىنىڭ وكىلدەرى ءماجىلىس دەپۋتاتتارىمەن كەزدەسۋ وتكىزىپ، 2024-جىلى فرانسيانىڭ پاريج قالاسىندا وتەتىن ءتورت جىلدىقىتىڭ باستى دودالارى - وليمپيادا جانە پاراليمپيادا ويىندارىنا ۇلتتىق قۇرامانىڭ دايىندىعىن باياندادى.

جيىنعا قاتىسقان ءماجىلىس دەپۋتاتتارى ارداق نازاروۆ، نۇرلان اۋەسبايەۆ، داۋلەت مۇقايەۆ، قازىبەك يسا، نارتاي سارسەنعاليەۆ، نۇرگۇل تاۋ، تاڭساۋلە سەرىكوۆ مينيسترلىك تاراپىنان اتقارىلىپ جاتقان جۇمىستارمەن تانىستى.

ءوز كەزەگىندە وليمپياداعا دايىندىق شتابىنىڭ جەتەكشىسى ەلسيار قاناعاتوۆ قازىرگى تاڭدا قازاقستان قۇراماسى ءتورت جىلدىق دوداعا قانشا جولداما جەڭىپ العانىن اتاي كەلە كەيبىر وبلىستىڭ سپورتشىلارى ءالى ءبىر دە ءبىر جولداماعا قول جەتكىزە الماعانىن اتاپ ءوتتى.

«بۇگىنگى تاڭدا قازاقستان سپورتشىلارى سپورتتىڭ 17 ءتۇرى بويىنشا 50 ليتسەنزيا (48 سپورتشى) جەڭىپ الدى. ەڭ كوپ ليتسەنزياعا شىمكەنت قالاسىنىڭ سپورتشىلارى قول جەتكىزىپ وتىر. ولاردىڭ ەنشىسىندە — 10 جولداما بولسا، الماتى قالاسىنىڭ سپورتشىلارىندا — 8، شىعىس قازاقستان وبلىسىندا — 5، جەتىسۋ مەن تۇركىستان وبلىسىندا — 4، استانا قالاسى مەن جامبىل وبلىسىندا — 3، قىزىلوردا مەن الماتى وبلىسى — 2، س ق و، ب ق و، اقمولا، اباي، قاراعاندى، اقتوبە وبلىستارىندا ءبىر-بىردەن ليتسەنزيا بار. وكىنىشكە قاراي قوستاناي، ماڭعىستاۋ، اتىراۋ، ۇلىتاۋ جانە پاۆلودار وبلىسىنىڭ سپورتشىلارى ءالى ءبىر دە ءبىر جولداما الا الماي كەلەدى. ءاربىر جەرگىلىكتى وبلىستىق سپورت باسقارمالارى بۇل ولقىلىقتىڭ ورنىن تولتىرۋى ءتيىس»، - دەدى ەلسيار قاناعاتوۆ.

سونىمەن قاتار شتاب باسشىسى الدا، ياعني مامىر ايىندا قازاقستان قۇراماسىن تاعى دا كوپتەگەن ليتسەنزيالىق تۋريرلەر كۇتىپ تۇرعانىن، جولدامالار سانى ءالى دە ارتا تۇسەتىنىن جەتكىزدى.

«مامىر ايىندا دزيۋدودان الەم چەمپيوناتىنا جانە كوركەم گيمناستيكا مەن سپورتتىق گيمناستيكادان ازيا چەمپيوناتتارى وتەدى. بۇدان بولەك، سپورتشىلارىمىز 15 كە جۋىق الەمدىك، ازيالىق رەيتينگتىك حالىقارالىق ىرىكتەۋ تۋرنيرلەرىندە ونەر كورسەتەدى. جوسپار بويىنشا مامىر ايىندا سپورتشىلارىمىز كەم دەگەندە 20 جولداما الۋى قاجەت. ال وليمپ ويىندارىنا دەيىن جالپى 80 گە جۋىق جولداماعا قول جەتكىزەمىز دەگەن جوسپارىمىز بار» دەدى شتاب باسشىسى.

سونداي-اق، دەپۋتاتتار ج. ۇشكەمپىروۆ اتىنداعى جەكپە-جەك سارايىندا دزيۋدوشىلاردىڭ و ق ج قاتىسىپ، سپورتشىلارمەن تىلدەستى. سوڭىنان Qazaq kuresi اكادەمياسى تاربيەلەنۋشىلەرىنىڭ جاتتىعۋىن تاماشالادى.

ەسكە سالا كەتسەك، بيىلعى XXXIII جازعى وليمپيادا ويىندارى 26-شىلدە-11-تامىزى ارالىعىندا وتەدى.

وعان دۇنيەجۇزىنىڭ 205 ەلىنەن 10 500 سپورتشى قاتىسادى دەپ جوسپارلانىپ وتىر. سپورتتىڭ 32 تۇرىنەن 329 مەدال جيىنتىعى ساراپقا سالىنادى.

ال XVII جازعى پاراليمپيادا ويىندارى 28 تامىزبەن 8-قىركۇيەك ارالىعىندا وتەدى.

سپورتتىڭ 22 تۇرىنەن 184 مەملەكەت 549 مەدال جيىنتىعىن سارالايدى.

جازعى سپورت ويىندارى بويىنشا بۇگىن ەل قورجىنى تاعى ءبىر مەدالمەن تولىعىپ، سپورتتىڭ 17 تۇرىنەن 50 ليتسەنزياعا جەتتى.

پاراويىندار بويىنشا قازاقستان قۇراماسىندا سپورتتىڭ 7 تۇرىنەن 11 ليتسەنزيا بار.

اۆتوركۇنسۇلتان وتارباي

سوڭعى جاڭالىقتار