وليمپيادا جۇلدەگەرى مۇحتارحان دىلدابەكوۆ جاۋاپتى قىزمەتكە تاعايىندالدى

استانا. KAZINFORM - بوكستان سيدنەي وليمپياداسىنىڭ كۇمىس جۇلدەگەرى مۇحتارحان دىلدابەكوۆ جاڭا قىزمەتكە تاعايىندالدى.

بوكس فەدەراتسياسى ءمالىم ەتكەندەي، تانىمال بىلعارى قولعاپ شەبەرى قازاقستان بوكس فەدەراتسياسىندا باپكەرلەر شتابىمەن جۇمىس جونىندەگى ۆيتسە-پرەزيدەنت قىزمەتىنە تاعايىندالدى.

مۇحتارحان دىلدابەكوۆ - قازاقستاننىڭ ەڭبەك سىڭىرگەن سپورت شەبەرى (1997)، اسا اۋىر سالماقتا وليمپيادا ويىندارىنىڭ (2000) جانە اۋەسقوي بوكستان الەم چەمپيوناتىنىڭ (1999) كۇمىس جۇلدەگەرى، «پاراسات» وردەنىنىڭ يەگەرى (2000).

ايتا كەتەيىك، اقپاننىڭ باسىندا استانادا قازاقستان بوكس فەدەراتسياسىنىڭ جىلدىق ءداستۇرلى جيىنى ءوتىپ، وندا فەدەراتسيانىڭ جاڭا پرەزيدەنتى بولىپ شاحمۇرات ءمۇتالىپ سايلاندى. ول بۇل قىزمەتتە كەڭەس راقىشەۆتى الماستىردى.

اۆتوركۇنسۇلتان وتارباي