ولجاس بەكتەنوۆ الماتى وبلىسىنداعى قونايەۆ جانە الاتاۋ قالالارىن دامىتۋ جوسپارىن تىڭدادى
الماتى. KAZINFORM - قازاقستان پرەمەر-ءمينيسترى ولجاس بەكتەنوۆ الماتى وبلىسىنا جۇمىس ساپارى بارىسىندا بيىل ورىندالۋى ءتيىس نەگىزگى مىندەتتەرمەن جانە قونايەۆ قالاسىن دامىتۋ جونىندەگى ۇزاق مەرزىمدى جوسپارمەن تانىستى.
ۇكىمەت باسشىسى سونداي- اق ارنايى ەكونوميكالىق ايماق اۋماعىندا ءىرى جوبالاردى ىسكە اسىرۋ ماسەلەسى بويىنشا الاتاۋ اكىمىنىڭ بايانداماسىن تىڭدادى.
پرەزيدەنت قاسىم-جومارت توقايەۆتىڭ تاپسىرماسىنا سايكەس قونايەۆتىڭ دامۋى جوعارى ەكولوگيالىق، «اقىلدى» قالا تۇجىرىمداماسىنا سايكەس كەلۋگە ءتيىس. ۇكىمەت بەكىتكەن كەشەندى دامۋ جوسپارىندا 2023-2027 -جىلدار ارالىعىندا 187 ءىس- شارانى جۇزەگە اسىرۋ كوزدەلگەن. قالانى اباتتاندىرۋ، كولىك جانە ينجەنەرلىك ينفراقۇرىلىممەن قامتاماسىز ەتۋ، الەۋمەتتىك نىسانداردى سالۋ جونىندەگى جوبالاردى ىسكە اسىرۋعا مەملەكەتتىك بيۋدجەتتەن دە، جەكە سەكتور تاراپىنان دا ايتارلىقتاي قولداۋ كورسەتىلەدى.
الماتى وبلىسىنىڭ اكىمى مارات سۇلتانعازيەۆ بايانداعانداي، قونايەۆ قالاسىندا اباتتاندىرۋ جۇمىستارى بەلسەندى جۇرگىزىلۋدە. 2023 -جىلدىڭ قورىتىندىسى بويىنشا 106 ك م ينجەنەرلىك ينفراقۇرىلىم، ونىڭ ىشىندە 19 ك م اۆتوجول، 61 ك م ەلەكتر بەرۋ جەلىلەرى، 26 ك م سۋمەن جابدىقتاۋ جانە سۋ بۇرۋ جەلىلەرى جوندەلدى. تۇرعىن ءۇي ورامدارى قارقىندى دامىپ كەلەدى - 610 پاتەرلىك 10 ءۇي سالىندى، 2023 -جىلى 15 ءۇيدىڭ قۇرىلىسى باستالدى، 2024 -جىلى 32 ءۇي باستالادى دەپ جوسپارلانۋدا. بارلىعى - 1400 پاتەرلىك 47 ءۇي. قازىرگى ۋاقىتتا 13 ينۆەستيتسيالىق جوبا جۇزەگە اسىرىلىپ جاتىر. جالپى پۋل جوباسىندا 5 مىڭ جۇمىس ورنىن اشۋمەن، كاپيتال سالىمدارىنىڭ بارلىق كولەمى 470 ميلليارد تەڭگە بولاتىن 23 پەرسپەكتيۆالىق ۇسىنىس بار.
بيىل حالىقتىڭ ءوسىپ كەلە جاتقان قاجەتتىلىكتەرىن ەسكەرە وتىرىپ، اباتتاندىرۋ بويىنشا اۋقىمدى جۇمىستار جوسپارلانعان. ولاردىڭ ىشىندە «الماتى- وسكەمەن» تاس جولى قۇرىلىسىنىڭ تەحنيكالىق- ەكونوميكالىق نەگىزدەمەسىن ازىرلەۋ، «جاڭا ىلە» جاڭا شاعىن اۋدانىندا كوشە- جولدارى جەلىسىن تارتۋ، جاڭا تۇرعىن الاپتارعا كوممۋنيكاتسيالار جۇرگىزۋ جۇمىستارى بار. الداعى 5 جىلدا قالادا وقۋشى ورىندارىنىڭ، زاماناۋي مەديتسينالىق مەكەمەلەردىڭ، مادەني جانە سپورت نىساندارىنىڭ تاپشىلىعى پروبلەمالارىن شەشۋ كوزدەلگەن. ماسەلەن، قونايەۆتا كىتاپحاناسى بار 600 ورىنعا ارنالعان وقۋشىلار سارايى، سپورت سارايى، دراما تەاترى سالىنادى. ونكولوگيالىق جانە پەريناتالدىق بلوكتارى بار كوپسالالى اۋرۋحانا، اۋىسىمدا 500 ادام قابىلدايتىن ەمحانا، 200 توسەك-ورىندى ينفەكتسيالىق اۋرۋحانا پايدالانۋعا بەرىلەدى. Freedom finance تۋريستىك سالانى دامىتۋ ءۇشىن ينۆەستور رەتىندە ارەكەت ەتتى: بانك جاڭا ورنالاستىرۋ وبەكتىلەرىن، قوناق ءۇي كەشەندەرىن سالۋ بويىنشا 6 ينۆەستيتسيالىق جوبانى جۇرگىزەدى. جالپى، كەشەندى جوسپار جوعارى ساپا ستاندارتتارىنا سايكەس جاڭا وبلىس ورتالىعىن دامىتۋدى جەدەلدەتۋگە مۇمكىندىك بەرەدى.
ۇكىمەت باسشىسى الاتاۋ قالاسىنىڭ جوباسىمەن تانىسىپ، اكىم اركەن وتەنوۆتىڭ ارنايى ەكونوميكالىق ايماقتى دامىتۋ پەرسپەكتيۆاسى تۋرالى بايانداماسىن تىڭدادى. ا ە ا اۋماعىندا 96,6 مىڭ گەكتاردا جالپى سوماسى 383 ميلليارد تەڭگەگە 11 ءىرى ينۆەستيتسيالىق جوبانى ىسكە اسىرۋ جوسپارلانۋدا، بۇل 7 مىڭ جۇمىس ورنىن اشۋعا مۇمكىندىك بەرەدى.
ولجاس بەكتەنوۆ قالا اكىمشىلىگىنە الەۋمەتتىك، ينجەنەرلىك جانە تۇرعىن ءۇي جوبالارىن ساپالى ىسكە اسىرۋدا جاۋاپكەرشىلىكتىڭ سالماعى اۋىر بولاتىنىن اتاپ ءوتتى. ۇكىمەتتىڭ قاۋلىسىمەن الاتاۋ قالاسىنىڭ باس جوسپارى بەكىتىلدى، وعان سايكەس جوبالاۋ شەڭبەرىندە قۇرىلىستىڭ بيىكتىگى-قالانىڭ ورتالىق بولىگىنەن ونىڭ شەكاراسىنا قاراي تومەندەتۋ جولىمەن قالىپتاستىرۋ قاعيداتى كوزدەلگەن.
«ناتيجەسىندە، ءبىز الماتىنىڭ ماڭىندا تۋريستىك الەۋەتتى بەلسەندى ارتتىرا وتىرىپ، ونەركاسىپتىك، ءبىلىم بەرۋ جانە لوگيستيكالىق ورتالىققا اينالاتىن ءىرى مەگاپوليس قۇرۋدى قامتاماسىز ەتۋىمىز كەرەك. باس جوسپاردىڭ ءاربىر تارماعىنىڭ ىسكە اسىرىلۋىن باقىلاۋدا ۇستاۋ، سونداي-اق ءبىرىنشى كەزەكتەگى ءىرى جوبالاردى رۇقسات قۇجاتتاماسىمەن قامتاماسىز ەتۋ ءۇشىن قالا اۋماقتارىنىڭ ەگجەي-تەگجەيلى جوسپارلاۋ جوبالارىن ازىرلەۋدى جەدەلدەتۋ قاجەت»، - اتاپ كورسەتتى ولجاس بەكتەنوۆ.
