ولجاس بەكتەنوۆ الماتى قالاسىنىڭ اكتيۆىنە جاڭا اكىمدى تانىستىردى
الماتى. KAZINFORM - مەملەكەت باسشىسىنىڭ تاپسىرماسى بويىنشا پرەمەر-مينيستر ولجاس بەكتەنوۆ پەن پرەزيدەنت اكىمشىلىگىنىڭ باسشىسى ايبەك دادەباي الماتى قالاسى ءماسليحاتى دەپۋتاتتارىنىڭ جينالىسىنا قاتىستى. بۇل تۋرالى ۇكىمەتتىڭ باسپا ءسوز قىزمەتى حابارلادى.
جينالىس بارىسىندا دەپۋتاتتارعا مەملەكەت باسشىسىنىڭ الماتى قالاسىنىڭ اكىمى لاۋازىمىنا ەكى كانديداتتى - قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ءبىرىنشى ورىنباسارى دارحان ساتىبالدى مەن الماتى قالاسى اكىمىنىڭ ورىنباسارى بەيبىت شاحانوۆتى ۇسىنۋ تۋرالى حاتى وقىلدى.
اشىق داۋىس بەرۋ قورىتىندىسى بويىنشا 32 دەپۋتاتتىڭ 23 ى دارحان ساتىبالدىنىڭ كانديداتۋراسىنا داۋىس بەردى. بەيبىت شاحانوۆتىڭ كانديداتۋراسىن 9 دەپۋتات جاقتادى. ق ر پرەزيدەنتىنىڭ ءتيىستى جارلىعىمەن دارحان ساتىبالدى الماتى قالاسىنىڭ اكىمى بولىپ تاعايىندالدى.
قالا اكتيۆىمەن كەزدەسۋدە پرەمەر- مينيستر مەملەكەت باسشىسى قاسىم-جومارت توقايەۆتىڭ اتىنان ەربولات دوسايەۆقا قالانىڭ قارجى-ەكونوميكالىق الەۋەتىن دامىتۋ جونىندەگى بەلسەندى جۇمىسى ءۇشىن العىسىن ءبىلدىردى.
2024 -جىلى قالانىڭ قازاقستاننىڭ ءجىو- گە قوسقان ۇلەسى %21,8 عا دەيىن ءوستى. مەگاپوليستە پرەزيدەنتتىڭ تاپسىرماسى بويىنشا بيۋدجەتتى ورتالىقسىزداندىرۋ، اباتتاندىرۋ، جاڭا الەۋمەتتىك نىساندار سالۋ جانە ت. ب. جۇمىستار جۇرگىزىلىپ جاتىر.
ولجاس بەكتەنوۆ الماتى قالاسىنىڭ جاڭا اكىمى دارحان ساتىبالدىنى تانىستىردى.
پرەمەر- مينيستر مەملەكەت باسشىسىنىڭ الماتى اكىمدىگىنىڭ الدىنا قالانىڭ الەۋمەتتىك- ەكونوميكالىق دامۋىن قامتاماسىز ەتۋ جانە ەكونوميكا قۇرىلىمىن ءارتاراپتاندىرۋ، ينجەنەرلىك ينفراقۇرىلىمدى ودان ءارى جاڭعىرتۋ جانە قوعامدىق كەڭىستىكتەردى كەڭەيتۋ بويىنشا مىندەتتەر قويىلعانىن اتاپ ءوتتى.
سونداي-اق، جول-كولىك جۇيەسى، ەكولوگيا، وڭدەۋ ونەركاسىبى، تۋريزم، IT- سەكتور، كرەاتيۆتى يندۋستريا سالاسىندا تاپسىرمالار بەرىلدى.
