پولشانىڭ ەڭ باي ادامدارىنىڭ ءبىرىنىڭ دەنەسى تابىلدى

استانا. KAZINFORM - پولشادا پوليتسەيلەر جوعالعان كاسىپكەر ەجي كرزانوۆسكيدىڭ دەنەسىن تاپتى. بۇل تۋرالى ر ب ك جازدى.

Польша полициясы
Фото: rbc.ru

ول 54 جاستا ەدى.

ەر ادام 6-ماۋسىم، بەيسەنبى كۇنى تاڭەرتەڭ سەرۋەندەۋگە شىعىپ، جوعالىپ كەتكەن. بىرنەشە ساعاتتان كەيىن ونىڭ تۋىستارى شۇعىل قىزمەتتەرگە حابارلاعان، ىزدەستىرۋ شارالارى ەڭ جوعارى دارەجەلى ماڭىزعا يە بولدى، بۇل ومىرگە تىكەلەي قاۋىپ بەلگىلەرى بار ەكەنىن بىلدىرەدى.

ىزدەۋ دروندار مەن يتتەردىڭ كومەگىمەن جۇرگىزىلدى، كرجانوۆسكيدىڭ تەلەفونى انىقتالىپ، تۇنگى ساعات ءبىر شاماسىندا دەنەسى دە تابىلدى.

«پروكۋراتۋرانىڭ شەشىمىمەن دەنەسى ساراپتاماعا جىبەرىلدى» ، - دەپ قوستى بۋجينسكي.

ەر ادامنىڭ دەنەسى ءوز ۇيىنەن جاقىن جەردەن تابىلدى، ونىڭ ولىمىنە ينفاركت سەبەپ بولۋى مۇمكىن، دەپ حابارلايدى Wirtualna Polska دەرەككوزدەرگە سىلتەمە جاساپ.

پوليتسيانىڭ RMF24 كە حابارلاۋىنشا، بولعان وقيعانىڭ ەشبىر نۇسقاسىن ازىرگە جوققا شىعارۋعا بولمايدى.

ەجي كرجانوۆسكي - پولشانىڭ ەڭ داۋلەتتى ازاماتتارىنىڭ ءبىرى. 1992 -جىلى اعاسى اداممەن بىرگە «نوۆىي ستيل» (Nowy Styl) جيھاز كومپانياسىن قۇردى، ول پولشا مەن ەۋروپادا ەڭ تانىمال ورىندىق وندىرۋشىلەردىڭ بىرىنە اينالدى. كومپانيا ءوزىن ەۋروپالىق جيھاز ونەركاسىبىندەگى كوشباسشىلاردىڭ ءبىرى دەپ اتايدى. Nowy Styl ءوز ونىمدەرىن 70 ەلگە ەكسپورتتايدى، وتكەن جىلى تابىس 310 ميلليون ەۋروعا جەتتى.

سوڭعى جاڭالىقتار