«تيتانيكتەگى» مىڭعا جۋىق جولاۋشىنى قۇتقارعان كاپيتاننىڭ ساعاتى رەكوردتىق باعاعا ساتىلدى

استانا. KAZINFORM - «تيتانيكتەگى» 700 جولاۋشىنى قۇتقارعان كاپيتانعا بەرىلگەن التىن قالتا ساعاتى اۋكسيوندا 2 ميلليون دوللارعا جۋىق (شامامەن 893 ميلليون تەڭگەدەن اسادى) اقشاعا ساتىلدى. بۇل تۋرالى Euronews حابارلادى.

ايتا كەتەيىك، Tiffany Co. كومپانياسى جاساپ شىعارعان 18 كاراتتىق التىن قالتا ساعاتى تيتانيكتە جولاۋشىلاردى قۇتقارعان كاپيتان ارتۋر گەنري روسترونعا سىيعا تارتىلعان. ول اۋكتسيوندا 1,8 ميلليون دوللارعا ساتىلىپ، بۇرىنعى ساتىلعان «ەڭ قىمبات تيتانيك ەسكەرتكىشتەرىنىڭ» رەكوردىن جاڭارتتى.

بۇل ساعاتتى كاپيتانعا كەمە اپاتىنان قازا تاپقان ءۇش اۋقاتتى كاسىپكەردىڭ جەسىرلەرى العىس رەتىندە سىيلاعان.

- كاپيتان روسترونعا «تيتانيكتىڭ» ءۇش جولاۋشىسىنان شىنايى العىس جانە قۇرمەتپەن، 1912 -جىلى 15 -ءساۋىر - ميسسيس دجون تەيەر، ميسسيس دجون دجەيكوب استور جانە ميسسيس دجوردج ۋايدەنەر، - دەپ جازىلعان سىيلىقتا.

استور حانىمنىڭ كۇيەۋىنىڭ اتى - دجون دجەيكوب استور IV، ول تيتانيكتىڭ ەڭ باي جولاۋشىسى رەتىندە تانىمال بولعان. كەمە اپاتى كەزىندە جۇكتى ايەلىن قۇتقارۋ قايىعىنا وتىرعىزىپ، ءوزى قازا تاپتى.

ايتا كەتەيىك، «تيتانيكتىڭ» تەڭىز تۇبىنە باياۋ باتىپ بارا جاتقان بىرەگەي فوتوسۋرەتتەرى جاسالدى.