پۋتين استانادا ەردوعانعا ىستامبۇل كەلىسسوزى ءۇشىن العىس ايتتى

استانا. KAZINFORM - رەسەي فەدەراتسياسىنىڭ پرەزيدەنتى ۆلاديمير پۋتين «ش ى ۇ+» كەزدەسۋىندە تۇركيا باسشىسى رەدجەپ تايىپ ەردوعانعا ىستامبۇل كەلىسسوزى ءۇشىن العىس ايتتى.

«ىستامبۇل ۋاعدالاستىقتارى، ول ءۇشىن بۇل جۇمىستا ارا اعايىن رەتىندە قاتىسقان تۇرىك رەسپۋبليكاسىنىڭ پرەزيدەنتى ر. ەردوعانعا راحمەت. ول ۋاعدالاستىق ەشقايدا كەتكەن جوق. ۋكراينالىق كەلىسسوز دەلەگاتسياسىنىڭ باسشىلارى كەلىسسوز پاراقتارىنا بەلگى قويعان دا بولاتىن. ياعني، ۋكراينا جاقتىڭ كوڭىلىنەن شىققان. بۇل ستامبۋل كەلىسىمدەرى قازىر «ۇستەل ۇستىندە» قالىپ وتىر جانە ونى قايتا جالعاستىرۋعا نەگىز بولا الادى»، - دەدى ۆ. پۋتين.

رەسەي پرەزيدەنتى ش ى ۇ ەلدەرى ءوز ارەكەتتەرىن ب ۇ ۇ مىنبەرىندە دە، باسقا دا حالىقارالىق الاڭداردا ءبىر-بىرىنە ۇقساس سىرتقى ساياسي تاسىلدەردى ۇستانادى دەپ ەسەپتەيتىنىن اتاپ ءوتتى.

«الەمنىڭ ءبىرقاتار دامىعان ەكونوميكالارى قۇلدىراپ جاتقاندا ش ى ۇ ەلدەرىنىڭ ىشكى جالپى ءونىمى 2023-جىلى ورتا ەسەپپەن 5,2 پايىز ءوسىپ، ينفلياتسيا نەبارى 2,4 پايىز عانا ارتقان. بۇل جاقسى كورسەتكىشتەر.

ش ى ۇ ساۋدا، لوگيستيكا جانە ءوزارا ەسەپ ايىرىسۋ تىزبەگىن قۇرۋ باعىتىندا بارىنشا بەلسەندى قادامدار جاساپ جاتىر. قۇرلىقتى سولتۇستىكتەن وڭتۇستىككە جانە باتىستان شىعىسقا بايلانىستىراتىن جاڭا، تيىمدىرەك كولىك دالىزدەرى قالىپتاسىپ كەلەدى. البەتتە، ءبىز ش ى ۇ ارقىلى جۇزەگە اسىرىلاتىن سالالىق جوبالارعا مەملەكەتتەردىڭ كەڭ اۋقىمى قوسىلعانىنا مۇددەلىمىز»، - دەدى ۆ. پۋتين.