ۋتيل الىمىنا قارسى پەتيتسيا بويىنشا قوعامدىق تىڭداۋ وتەدى

استانا. KAZINFORM - ەرتەڭ، 15-شىلدەدە ۋتيل الىمى ماسەلەسى جونىندەگى پەتيتسيانىڭ قوعامدىق تىڭداۋى وتەدى.

كوپشىلىك تىڭداۋ ونەركاسىپ جانە قۇرىلىس مينيسترلىگىنىڭ YouTube ارناسىندا ترانسلياتسيالار بولىمىندە تىكەلەي ەفيردە كورسەتىلەدى.

ەسكە سالا كەتەيىك، قازاقستاندا ۋتيل الىمىنا قارسى پەتيتسياعا 50 مىڭنان اسا ادام قول قويدى. سوندىقتان وسى ماسەلەنى قارايتىن جۇمىس توبى قۇرىلىپ، ونىڭ مۇشەلەرى بەلگىلى بولدى.

الايدا جۇمىس توبىنىڭ العاشقى وتىرىسى وتپەي قالدى. ويتكەنى ۋتيل الىمىنا قارسى پەتيتسيانى قارايتىن جيىنعا بەلسەندىلەردى تەلەفونمەن كىرگىزبەي قويعان.

ودان كەيىن جۇمىس توبى بىرنەشە رەت جينالىپ، ماسەلەنى تالقىلادى.

سونداي-اق ولار قازاقستاننىڭ ءوڭىر-وڭىرىندەگى كولىك قۇراستىراتىن زاۋىتتاردى ارالادى.

دەگەنمەن مۇندا دا سول ماسەلە قايتالاندى. سەبەبى ۋتيل الىمىنا قارسى پەتيتسيا باستاماشىلارى ماسەلەن سەمەيدەگى كولىك زاۋىتىن كورۋگە كەلمەدى.

ماۋسىمنىڭ سوڭىندا جۇمىس توبى اگروماشحولدينگ KZ پەن Allur زاۋىتىندا بولدى.

ايتا كەتەيىك، قازاقستاندىقتار ەكى جىلدا 447,3 ميلليارد تەڭگە ۋتيلالىم تولەگەن.