توقايەۆ چەرنوگوريا پرەزيدەنتىنە كوڭىل ايتۋ جەدەلحاتىن جولدادى
استانا. KAZINFORM - مەملەكەت باسشىسى چەرنوگوريا پرەزيدەنتى ياكوۆ ميلاتوۆيچكە كوڭىل ايتۋ جەدەلحاتىن جولدادى، دەپ حابارلايدى اقوردا.
قاسىم-جومارت توقايەۆ تسەتينە قالاسىندا ورىن العان جانتۇرشىگەرلىك وقيعا سالدارىنان كوپتەگەن ادامنىڭ، سونىڭ ىشىندە بالالاردىڭ قازا تاپقانى تۋرالى سۋىت حاباردى كۇيزەلىسپەن قابىلداعانىن جەتكىزدى.
- پرەزيدەنت چەرنوگوريا حالقىنىڭ قايعى- قاسىرەتىنە ورتاقتاسىپ، جاقىندارىنان ايىرىلعان وتباسىلارعا كوڭىل ايتتى. سونداي- اق زارداپ شەككەن ازاماتتاردىڭ تەز ارادا ساۋىعىپ كەتۋىنە تىلەكتەستىك ءبىلدىردى، - دەلىنگەن حابارلامادا.
ەسكە سالساق، چەرنوگوريادا تاۆەرناداعى كيكىلجىڭنەن كەيىن 45 جاستاعى ەر ادام ۇيىنە مىلتىق الۋ ءۇشىن ورالىپ، قايتا وق جاۋدىرعان. سودان كەيىن ول وزىنە قول جۇمساماس بۇرىن تاۆەرنا قوجايىنىنىڭ بالالارى مەن ايەلىن اتىپ تاستاعان.
چەرنوگوريا بيلىگى ءۇش كۇندىك قارالى كۇن جاريالادى.
بۇگىن چەرنوگورياداعى اتىستان قازا تاپقاندار سانى 12 گە جەتكەنى بەلگىلى بولدى.
