توقايەۆ ماكرونعا سىيلاعان تازى كۇشىكتەرىنە جيۋل جانە جاننا دەگەن ەسىم بەرىلدى
استانا. KAZINFORM - مەملەكەت باسشىسى قاسىم- جومارت توقايەۆ فرانسيا پرەزيدەنتى ەممانيۋەل ماكرونعا سىيلاعان قازاقى تازىنىڭ ەكى كۇشىگى فرانسياعا جەتكىزىلدى.
بىلتىر قاراشا ايىندا مەملەكەت باسشىسىنىڭ شاقىرۋىمەن استاناعا ساپارمەن كەلگەن فرانسيا پرەزيدەنتى ەتنواۋىل كورمەسىن ارالاپ كورىپ، قازاق حالقىنىڭ باي مادەني مۇراسىمەن تانىسقان ەدى.
كورمە ورتالىعىن تاماشالاۋ بارىسىندا ەممانيۋەل ماكرونعا قازاقى تازىنىڭ تۇقىمى ەرەكشە ۇناعان بولاتىن.
سول كەزدە قاسىم-جومارت توقايەۆ فرانسيالىق ارىپتەسىنە تازى سىيلاۋعا ۋادە بەرگەن- ءتىن.
كەيىن پاريجگە قازاقى تازىنىڭ بەس ايلىق ەكى كۇشىگى جەتكىزىلدى. قوس تازىنى فرانسۋز ۆەتەرينارلارى تەكسەرىپ، ۋاقىتشا كارانتينگە جىبەردى. سونداي- اق فرانسيا تاراپىنا كۇشىكتەردى تاماقتاندىرۋ جانە ۇيرەتۋ جونىندەگى نۇسقاۋلىق بەرىلدى.
تازى كۇشىكتەرىنە جيۋل جانە جاننا دەگەن جاراسىمدى ەسىم بەرىلگەنى ءمالىم بولدى.
كۇشىكتەر ماكرون وتباسىنىڭ نەمو ەسىمدى قارا لابرادورىمەن «دوستاسىپ» ۇلگەرگەن.
ايتپاقشى، بۇل ءيتتى ەرلى-زايىپتى ماكروندار 2017 -جىلى جانۋارلار پانالايتىن جەردەن اسىراپ العان بولاتىن.
