تولاسسىز جاۋعان نوسەر جاۋىننان كەيىن ساحارا ءشولىنىڭ ءبىر بولىگىن سۋ باستى
استانا. KAZINFORM - تولاسسىز جاۋعان نوسەر جاۋىننان ساحارا ءشولىنىڭ ءبىر بولىگىن سۋ باسقان، دەپ حابارلايدى Associated Press.
ماروككو ۇكىمەتىنىڭ حابارلاۋىنشا، قىركۇيەكتەگى ەكى كۇن تولاسىز جاۋعان جاڭبىردىڭ مولشەرى جىلدىق جاۋىن-شاشىن دەڭگەيىنەن اسىپ كەتكەن. NASA سپۋتنيكتەرى 50 جىل بويى كەۋىپ تۇرعان ايگىلى يريكي كولىنىڭ قالاي تولعانىن دا ءتۇسىرىپ العان.
«وسىنداي قىسقا مەرزىمدە جاۋىن-شاشىننىڭ وسىنشاما كوپ جاۋعانىن كورگەنىمىزگە 30-50 جىل بولدى»، - دەدى ماروككو مەتەورولوگيا باسقارماسىنىڭ قىزمەتكەرى حۋسسين يۋابەب.
مەتەورولوگتار سىرتقى تروپيكالىق داۋىل دەپ اتايتىن مۇنداي جاڭبىر الداعى ايلار مەن جىلداردا ايماقتىڭ اۋا رايىن وزگەرتۋى مۇمكىن.
ءبىر ايتا كەتەرلىگى، جاۋىن-شاشىن ماروككو مەن الجيردەگى 20 دان استام ادامنىڭ ءومىرىن قيىپ، شارۋاشىلىق جەرلەرگە زاقىم كەلتىرگەن.
