توكيو مەرياسى قازاقستان تۋىنىڭ تۇسىنە بويالدى
توكيو. KAZINFORM - توكيوداعى مەريانىڭ ءزاۋلىم عيماراتى پرەزيدەنت قاسىم-جومارت توقايەۆتىڭ جاپونياعا رەسمي ساپارى قۇرمەتىنە جانە ورتالىق ازيا ەلدەرىنىڭ سامميتى قارساڭىندا قازاقستاننىڭ كوك تۋىنىڭ تۇسىنە بويالدى. بۇل تۋرالى بورت1 الەۋمەتتىك جەلىسىندە جاريالاندى.
توكيوداعى كورىكتى ورىنداردىڭ ءبىرى - مەريانىڭ ءزاۋلىم عيماراتى پرەزيدەنت قاسىم-جومارت توقايەۆتىڭ جاپونياعا رەسمي ساپارى قۇرمەتىنە جانە ورتالىق ازيا ەلدەرىنىڭ سامميتى قارساڭىندا قازاقستاننىڭ كوك تۋىنىڭ تۇسىنە بويالدى.
ايتا كەتەلىك قاسىم-جومارت توقايەۆ جاپونياعا رەسمي ساپارمەن باردى. سونىمەن قاتار توكيودا جالپى قۇنى 3,7 ميلليارد دوللاردان اساتىن كەلىسىمدەرگە قول قويىلادى.
مەملەكەت باسشىسى جاپونيا يمپەراتورى نارۋحيتومەن كەزدەستى. سونداي-اق قاسىم-جومارت توقايەۆتىڭ قۇرمەتىنە رەسمي قابىلداۋ ءوتتى. كەيىن توقايەۆ مەيدجي دجينگۋ عيباداتحاناسىن ارالاپ كوردى. سونىمەن قاتار قاسىم-جومارت توقايەۆ جاپونيادا تۇرىپ جاتقان قازاقستاندىقتارمەن كەزدەستى جانە جاپونيا پارلامەنتىنىڭ قازاقستانمەن دوستىق ليگاسى مۇشەلەرىمەن كەزدەستى.
