Turkish Airlines اۋە كومپانياسى 13 جىلدان كەيىن داماسكىگە ۇشاتىن رەيستى قايتا ىسكە قوستى
استانا. قازاقپارات - Turkish Airlines اۋە كومپانياسىنىڭ سيريالىق جولاۋشىلار مىنگەن ۇشاعى سوڭعى 13 جىلدا العاش رەت بەيسەنبى كۇنى داماسك حالىقارالىق اۋەجايىنا قوندى. بۇل تۋرالى سيريانىڭ مەملەكەتتىك سانا اقپارات اگەنتتىگى حابارلادى، دەپ جازادى شينحۋا.

اۋەجايدا وتكەن باسپا ءسوز ءماسليحاتىندا سيريا سىرتقى ىستەر جانە ەكسپاتريانتتار ءمينيسترىنىڭ كومەكشىسى احماد دۋحان رەيستەردىڭ قايتا جاندانۋىن قۇپتاپ، «تۇركيا ۇكىمەتى مەن حالقىنا سيريا حالقىمەن بىرگە بولعانى ءۇشىن» العىس ايتتى.
احماد دۋحان ەكىجاقتى قارىم- قاتىناس «تامىرىنىڭ تەرەڭدىگىن» ەرەكشە اتاپ ءوتىپ، تىكەلەي اۋە قاتىناسىن قالپىنا كەلتىرۋدى «جاڭارتىلعان ىنتىماقتاستىقتىڭ باستاۋى» ەكەنىن جانە ەلىنە ابىرويمەن ورالعىسى كەلەتىن شەتەلدەگى سيريالىقتار ءۇشىن ءۇمىت ساۋلەسى ەكەنىن ايتتى.
Turkish Airlines كومپانياسىنىڭ باس ديرەكتورى بيلال ەكشي رەيستەردىڭ قايتا باستالۋى سيريانىڭ، ونىڭ حالقىنىڭ جانە بۇكىل ايماق مۇددەسىنە قىزمەت ەتەتىنىن ايتتى.
داماسكىگە تۇرىك اۋە كومپانياسىمەن كەلگەن تۇركيا سىرتقى ىستەر ءمينيسترىنىڭ ورىنباسارى نۋح يىلماز اۋە قاتىناسىنىڭ قايتا جاندانۋىن «تاريحي ءسات» دەپ اتاپ، ونىڭ داماسكتى بۇكىل الەممەن قايتا بايلانىستىراتىنىن باسا ايتتى.
ەسكە سالا كەتەيىك، بۇعان دەيىن 52 مىڭنان استام بوسقىن تۇركيادان سيرياعا ورالعانىن جازعان بولاتىنبىز.