پەتروپاۆلدىق بويجەتكەن شەتەلدىك فيلمدەردى قازاقشا سويلەتىپ ءجۇر

پەتروپاۆل. KAZINFORM — پەتروپاۆلدىق بويجەتكەن اياجان قويشىباي قازاقشا فيلم، مۋلتفيلمدەر ينتەرنەتتە قولجەتىمدى بولۋى ءۇشىن شەتەلدىك تۋىندىلاردى قازاقشا سويلەتىپ ءجۇر.

Петропавлдық бойжеткен шетелдік фильмдерді қазақша сөйлетіп жүр
Фото: Кейіпкердің жеке мұрағатынан

اياجان — ماناش قوزىبايەۆ اتىنداعى سولتۇستىك قازاقستان ۋنيۆەرسيتەتىندە سوڭعى كۋرستا وقيدى. بولاشاق ماماندىعىنىڭ دۋبلياجعا قاتىسى جوق، جوعارى وقۋ ورنىندا «ديزاينەر- ساۋلەتشى» كاسىبىن مەڭگەرىپ جاتىر.

دۋبلياج جاساۋدى ءوزىڭىز ۇيرەندىڭىزبە؟ نەسەبەپ بولدى؟

— دۋبلياج مەنىڭ ومىرىمدە ويدا- جوقتا پايدا بولدى. پاندەميا باستالىپ، ەشقايدا شىعا الماي قالدىق قوي، سول كەزدە بار ەرمەك الەۋمەتتىك جەلى بولدى. بىردە TikTok قاراپ وتىرىپ، قازاق جاستارىنىڭ دۋبلياج جاساپ، دىبىستاعانىن كوردىم. قىزىعىپ، مەن دە جاساپ كورمەك بولدىم. ياعني، ەشكىم ۇيرەتكەن جوق. كەيىن ءبىراز ماشىقتانىپ، دىبىستاۋدى ۇيرەنىپ، وسى ىسپەن اينالىسىپ جۇرگەن الەۋمەتتىك جەلىدەگى توپتارعا قوسىلدىم. ارىپتەستەرىمنىڭ كەڭەسىنىڭ كوپ پايداسى ءتيدى.

بۇل سالادا جۇرگەنىڭىزگە نەشەجىل؟ بۇل— تابىس كوزى مە، الدە حوببي مە؟

— ءۇش جىل، ءبىراق ارينە، ۇزىلىستەر بولدى. قازىر دە قولىم بوساعان كەزدە عانا اينالىسامىن. ويتكەنى وقۋىم بار. سول سەبەپتى دۋبلياج مەن ءۇشىن حوببي. ءبىراق تاپسىرىس ءتۇسىپ، از- ماز تابىس اكەلىپ جاتادى.

— كاسىپتىڭ ەرەكشەلىگى نەدە؟ جالپى جۇمىس بارىسىن ايتىپ بەرىڭىزشى…

— دۋبلياج — توپتىق جۇمىس، ويتكەنى جوبا دىبىستالعان كەزدە بىرنەشە كەزەڭنەن وتەدى. ياعني، ءبىر كۇندىك جۇمىس ەمەس. الدىمەن تۋىندى تاڭدالادى، كەيىن ول اۋدارماشىعا جىبەرىلەدى. اۋدارماشى ونى وريگينال تىلىنەن قازاقشاعا اۋدارادى. كەيىن رولدەرگە بولەدى. ءبىز تانىسىپ، دىبىستاپ بولعاننان كەيىن مونتاجەرگە جىبەرەمىز. ول داۋىسىمىزدى جوباعا قوسىپ، وڭدەپ، تازالاپ، دايىن ەتەدى.

كەز-كەلگەن ادام دۋبلياج اكتەرى بولا الا ما؟ قانداي تالاپتار قويىلادى؟

— ەڭ باستىسى — قىزىعۋشىلىق، ىنتانىڭ بولۋى. ويتكەنى داۋىسپەن كوپ ەڭبەك ەتۋ كەرەك، ءتىلدىڭ مۇكىستىگى بولسا، ونى جاتتىعۋلار ارقىلى قالپىنا كەلتىرۋگە بولادى. سىندى قابىلداي ءبىلۋ كەرەك، ويتكەنى، جۇمىس بارىسىندا كورىپ ءجۇرمىز، بىرەۋگە داۋىسىڭ ۇنايدى، بىرەۋ قابىلداي الماۋى مۇمكىن. سونداي- اق، قازاقشا دۋبلياج ناشار، ورىسشاسىن كورەمىز دەيتىندەر بار، سوعان توتەپ بەرە ءبىلۋ كەرەك.

العاشقى جوبالاردا داۋىسىڭىز وزىڭىزگە ۇناماۋى مۇمكىن، سالدارىنان سەنىمسىزدىك پايدا بولادى. ءبىراق مۇنىڭ ءبارى ۋاقىتشا، تالاپتانىپ، ورتا جولدان تاستاپ كەتپەي، تاجىريبە، ءبىلىم الۋ كەرەك.

ءار ءىستىڭ ءتيىمدى-ءتيىمسىز تۇستارى بار عوي. بۇل جۇمىستا ەڭ باستىسى — قازاقشا كونتەنتتىڭ كوبەيۋى. قازاقشا فيلم، ءمۋلتفيلمدى ينتەرنەتتەن ىزدەپ تابۋ ءبىز ءۇشىن قيىن بولماۋى كەرەك. جاڭا فيلم شىقتى ما، ول قازاق تىلىندە بار، كورە الاسىڭ دەگەندەي. ءبىراق، ازىرگە وكىنىشكە وراي، اسىرەسە بالالارعا ارن

العان دۇنيەنىڭ بارلىعى — ورىس تىلىندە. سونىڭ كەسىرىنەن قازاق بالالارىنىڭ ءتىلى ورىسشا شىعىپ، ءوز انا تىلىندە سويلەي المايتىن حالگە جەتكەن.

«موانا»، «مۋفاسا: اڭ پاتشاسى» مۋلتفيلمدەرى قازاقشا شىقتى. ءبىراق بىزدە پەتروپاۆل كينوتەاترلارىنداعى سەانستارعا قاراساق، ورىسشاسى الدەقايدا كوپ. ۋاقىتى دا قازاق كورەرمەنىنە ىڭعايسىز قويىلعان.

بۇگىنگە دەيىن قانداي جوبالاردا جۇمىس ىستەدىڭىز؟

— دۋبلياج جاساۋ حوببي بولعاندىقتان، رەسمي جوبالارعا ءالى قاتىسىپ كورگەن جوقپىن. Dopamine Voice دۋبلياج توبىندا بولعان كەزدە جاپوندىق رەجيسسەر حاياو ميادزاكيدىڭ «جاياۋ قامال» اتتى تۋىندىسىن قازاقشا دىبىستادىق. «تيتاندار شابۋىلى» انيمەسىنىڭ 10 بولىمىنە قازاقشا دۋبلياج جاسادىق. سول كەزدە باستى كەيىپكەرلەردىڭ ءبىرى ميكاسا اككەرماندى دىبىستادىم. ەسىمدە قالعان، مەن ءۇشىن كۇردەلى بولعان جوبا. 20 مينۋتتىق فيلمگە وتىرماس بۇرىن 2 ساعات دايىندىق جاسايتىنمىن، ياعني ميكروفون الدىندا وتىرىپ، وزىمە داۋىسىم ۇناعانشا دەيىن دايىندالعان كەزدەرىم بولدى. ءقازىر نەگىزىنەن دورامالارمەن جۇمىس ىستەيمىن. سوڭعىسى — «قاراپايىم ءبىر كۇن» اتتى دوراما، جاقىندا قازاقشا شىقتى. «وردا» دۋبلياج ستۋدياسىندا جۇمىس ىستەپ جاتىرمىن.

ولفيلمدەر قايدا بار، كوپشىلىككە قولجەتىمدى مە؟

— Dopamine Voice دۋبلياج توبىنىڭ جانە «وردا» ستۋدياسىنىڭ Telegram كانالدارىنان كورۋگە بولادى. بارلىق جاڭا جۇمىسىمىز سول جەردە شىعىپ وتىرادى.

— دۋبلياجدى ۇيدە جاسايسىز با؟ ساپالى شىعۋ ءۇشىن قانداي قۇرال-جابدىقتار پايدالاناسىز؟

— مەن جۇمىس ىستەيتىن دۋبلياج ستۋديالارى باسقا قالالاردا بولعاندىقتان، ونلاين دىبىستايمىن. ۇيدە دىبىس تازا شىعۋى ءۇشىن گاردەروبتىڭ ىشىندە وتىرىپ وقيمىن. كيىم-كەشەك ارتىق دىبىس، شۋدى وتكىزبەيدى. دۋبلياج جاساۋ ءۇشىن اۋديوكارتاسى بار جاقسى ميكروفون ساتىپ الدىم.

بولاشاعىڭىزدى وسى دۋبلياج سالاسىمەن بايلانىستىراسىز با؟

— مەن ءۇشىن كۇردەلى سۇراق. ويتكەنى قازىر وقىپ جاتقان ماماندىعىم — ديزاينەرلىك تە قاتتى ۇنايدى. دۋبلياجدى دا تاستاعىم كەلمەيدى. قازىر ەكەۋىن قاتار الىپ جۇرۋگە مۇمكىندىك بار. قالعانىن ۋاقىت كورسەتەدى.

بۇعان دەيىن ءتۇرلى ماتەريالدان مۇسىندەر جاسايتىن س ق و- داعى بالالار ءۇيىنىڭ تاربيەشىسى جايلى جازعان ەدىك.

سوڭعى جاڭالىقتار