13:43, 19 - قاراشا 2024 | GMT +6
تەرروريستىك ۇيىمعا قاتىسى بار دەگەن قازاقستاندىق تۇركيادان اكەلىندى
استانا. KAZINFORM - انتاليادان الماتىعا حالىقارالىق تەرروريستىك ۇيىمنىڭ ارەكەتىنە قاتىسى بار دەگەن كۇدىكپەن قازاقستان ازاماتىن ەلگە اكەلدى. بۇل تۋرالى ۇ ق ك حابارلادى.
«تەرگەۋ ماتەريالىنا سايكەس، ول ەرتەرەكتە سيرياعا كەتىپ، قارۋلى توپتاردىڭ بىرىنە قوسىلعان. سودان كەيىن تۇركياعا جەتىپ، سول جەردە پوليتسيا ورگاندارىمەن ۇستالعان. ونىڭ ءوز ەركىمەن قازاقستانعا قايتىپ، زاڭمەن قاراستىرىلعان قىلمىستىق جاۋاپكەرشىلىكتى تارتۋعا دايىن ەكەنى انىقتالدى. ۇقك فيگۋرانتقا قاتىستى قىلمىستىق كودەكستىڭ 257-بابى 2-بولىگى بويىنشا سوتقا دەيىنگى تەرگەپ-تەكسەرۋدى جۇرگىزۋدە. ول سوت سانكسياسىمەن قاماۋعا الىندى»، - دەلىنگەن كوميتەت حابارلاماسىندا.
قىلمىستىق-پروتسەستىك كودەكستىڭ 201-بابىنىڭ 1-بولىگىنە سايكەس وزگە اقپارات جاريا ەتۋگە جاتپايدى.
