تۇرمەدە سالافيزمدى ۇستانۋشىلارعا 25 مىڭ اقپاراتتىق-ءتۇسىندىرۋ ءىس-شاراسىن وتكىزدىك - ءى ءى م
استانا. KAZINFORM - ىشكى ىستەر مينيسترلىگىندەگىلەر Kazinform ساۋالىنا جولداعان جاۋاپتا تۇرمەدەگى ءدىني كونتينگەنتتىڭ قاي ساناتى ەرەكشە نازاردا ەكەنىن ايتتى.
- جىل باسىنان بەرى قىلمىستىق اتقارۋ جۇيەسى مەكەمەلەرىندە جەرگىلىكتى اتقارۋشى ورگانداردىڭ ماماندارى، قازاقستان مۇسىلماندار ءدىني باسقارماسىنىڭ جانە ۇكىمەتتىك ەمەس ۇيىمداردىڭ وكىلدەرى 15 مىڭ سوتتالعاندى قامتي وتىرىپ، ونىڭ ىشىندە راديكالدى كوزقاراسى جوق «سالافيزمدى» ۇستانۋشىلارمەن 25 مىڭ اقپاراتتىق-ءتۇسىندىرۋ ءىس-شارالارىن وتكىزدى، - دەپ جازىلعان مينيسترلىك جاۋابىندا.
ايتا كەتۋ كەرەك، ەلىمىزدە سوتتالعانداردى راديكالدى كوزقاراستان ارىلتۋدىڭ ءبىرىڭعاي باعدارلاماسى بار.
- 2025 -جىلعى 2 اي ىشىندە 5 مىڭنان استام سوتتالعان ادامدى قامتيتىن 6 مىڭعا جۋىق اقپاراتتىق-ءتۇسىندىرۋ ءىس-شارالارى وتكىزىلدى.
دەسترۋكتيۆتى ءدىني اعىم ۇستانۋشىلاردى وڭالتۋدىڭ جەكە باعدارلامالارى ازىرلەندى، ءدىني ءبىلىم دەڭگەيىنە، راديكالدىلىق دارەجەسىنە، وعان تارتىلۋدىڭ سەبەپتەرىنە تالداۋ جۇرگىزىلەدى، - دەلىنگەن رەسمي مالىمەتتە.
بۇعان دەيىن قازاقستان تۇرمەلەرىندەگى 1 مىڭنان استام ايەل راقىمشىلىققا ءىلىنۋى مۇمكىن ەكەنىن جازعان ەدىك.
