تۇركىستاندىق جاستار وڭتۇستىك كورەيادا ۆيزاسىز جۇمىس ىستەۋگە مۇمكىندىك الماق

استانا. KAZINFORM - تۇركىستان وبلىسىندا اشىلاتىن وڭتۇستىككورەيالىق ۋنيۆەرسيتەتتىڭ فيليالىن بىتىرگەن ستۋدەنتتەر اتالمىش ەلدە ۆيزاسىز جۇمىس ىستەۋگە مۇمكىندىك الادى. بۇل تۋرالى عىلىم جانە جوعارى ءبىلىم ءمينيسترى ساياسات نۇربەك ب ا ق ونلاين باسپا ءسوز ءماسليحاتىندا ايتتى.

مينيستر الداعى 1-2 جىلدىڭ كولەمىندە ەل اۋماعىندا الەمدەگى جەتەكشى تەحنيكالىق ۋنيۆەرسيتەتتەردىڭ 5 بىردەي كامپۋسى اشىلاتىنىن ايتتى.

سونىڭ ءبىرى قازاقستاندىق جاستارعا وڭتۇستىك كورەيادا ۆيزاسىز جۇمىس ىستەۋگە مۇمكىندىك بەرمەك.

«ءتورتىنشى كامپۋس تۇركىستان قالاسىندا ورىن تەبەدى. وڭتۇستىك كورەيادا WOSONG دەيتىن جەكەمەنشىك ۋنيۆەرسيتەت بار. وبلىستىڭ اكىمىمەن بىرگە ول ۋنيۆەرسيتەتكە ارنايى بارىپ، كەزدەسكەنبىز. سول ۋنيۆەرسيتەتتىڭ كامپۋسىن سالۋ ءۇشىن عيمارات پەن 1,2 گەكتار جەر بەرىپ جاتىرمىز»، - دەدى ول.

ۆەدومستۆو باسشىسىنىڭ سوزىنشە، قازىر وڭتۇستىك كورەيادا حالىق «قارتايىپ» بارا جاتىر. جىل سايىن 150 مىڭ جۇمىس كۇشىن سىرتتان الدىرۋعا ءماجبۇر.

«ءبىز ول ۋنيۆەرسيتەتكە قۇرىلىسى بىتپەگەن عيماراتتى اقىسىز نەگىزدە بەرەمىز. ولار سول قۇرىلىستى ءوز جوباسى بويىنشا اياقتايدى. كەيىن وسى WOSONG- تۇركىستان ۋنيۆەرسيتەتىنىڭ تۇلەكتەرى وڭتۇستىك كورەيادا ۆيزاسىز جۇمىس ىستەي الادى. وقۋ كەلەسى جىلى باستالادى. كيبەرقاۋىپسىزدىك، كومپيۋتەرلىك ينجەنەريا جانە Data Science باعىتتارىندا مامان دايىنداپ باستايدى»، - دەدى ساياسات نۇربەك.

اۆتور
ەسىمجان ناقتىباي